Հայաստանի մարզիկը հաղթեց Իրանում

Հուլիսի 5-ին Իրանի Մազանդարան նահանգի Սուխրուտ քաղաքում տեղի ունեցավ “Jeep Trophy” տիպի միջազգային բաց մրցարշավ: Մրցարշավին մասնակցում էին մարզիկներ Հայաստանից, Վրաստանից, Թուրքիայից, Ադրբեջանից եւ Իրանից: Հայաստանի ավտոմոբիլային ֆեդերացիան եւ «Ադրենալին» էքստրեմալ սպորտաձեւերի ֆեդերացիան համատեղ ներկայացնում էին երեք մասնակից Հայաստանից:

Մասնակիցներին աջակցում էր «Նակօյլ» ընկերությունը իր MOTUL ապրանքանիշով եւ «Ֆլեշ-Թեգետա Մոտորս» ընկերությունը: Հայաստանից մասնակցում էին Արտաշես Ստեփանյանն ու Հովհաննես Հակոբյանը Jeep Wrangler մեքենայով, Ռուբեն Սահակյանը նույնպես Jeep Wrangler մակնիշի մեքենայով եւ Անդրանիկ Հարությունյանը Mitsubishi Pajero Evo մեքենայով: Մրցույթն անցնում էր երեք դասով՝ 4 մխոցային շարժիչներ, 6 մխոցային շարժիչներ եւ բացարձակ դաս:

Բացարձակ դասի հաղթող ճանաչվեց Հայաստանը ներկայացնող Արտաշես Ստեփանյանն իր Jeep Wrangler մեքենայով:

Facebook Odnoklassniki

5242 դիտում