Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Երեւան: Մեդիամաքս: Երեւանում ուղեւորափոխադրում իրականացնող 10 ավտոբուս հարմարեցվում է հատուկ կարիքներ ունեցող անձանց համար եւ կահավորվում վերելակներով:
Երեւանի քաղաքապետարանի տեղեկատվության եւ հասարակայնության հետ կապերի վարչության փոխանցմամբ՝ վերելակները տեղադրվում են «Հայգեր» մակնիշի նոր ավտոբուսներում:
Պատասխանատուները վստահեցրել են, որ առաջիկա մի քանի օրվա ընթացքում հարմարեցված ավտոբուսները պատրաստ կլինեն:
«Համապատասխան կահավորումով ավտոբուսների՝ երթուղիներում շահագործման հարցում նախապատվությունը կտրվի բոլոր վարչական շրջաններից հատուկ կարիքներով անձանց քաղաքի կենտրոն հասնելու հնարավորության սկզբունքին»,- ասված է հաղորդագրության մեջ:
Ավելի վաղ քաղաքապետարանից Մեդիամաքս-ին տեղեկացրել էին, որ համապատասխան վերելակները մայրաքաղաքում կլինեն 2014թ. դեկտեմբերի կեսին, իսկ 2015թ. եւս նախատեսվում է թվով 10 ավտոբուսների վրա տեղադրել նմանատիպ վերելակային հարմարանքներ:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
