b x a .

Հունիսի 30-ին Երեւանում տեղի ունեցավ Jaguar Land Rover մակնիշների Հայաստանում առաջին պաշտոնական դիլերական կենտրոնի հանդիսավոր բացումը: «Ֆորա Պրեմիում» ՍՊԸ ցուցասրահը գտնվում է Երեւան, Աճառյան 42 հասցեում: Բացման արարողությանը մասնակցեցին Jaguar Land Rover Ռուսաստան, Հայաստան, Բելարուս, Ղազախստան ընկերության ֆինանսական եւ ադմինիստրատիվ տնօրեն, գլխավոր տնօրենի պաշտոնակատար Եկատերինա Շատալովան եւ «Ֆորա Պրեմիում» ՍՊԸ գործադիր տնօրեն Արա Ավագյանը:

Jaguar Land Rover Ռուսաստան ընկերության եւ «Ֆորա Պրեմիում» ՍՊԸ միջեւ համագործակցության մասին համաձայնագիրը ստորագրվել է 2016թ. ապրիլին: Այդ պահից սկսած «Ֆորա Պրեմիում» ՍՊԸ- ն դարձել է միասնական դիլերական ցանցի մաս եւ իրականացնում է իր օպերացիոն գործունեությունը տարածաշրջանային ներմուծողի կարգավիճակ ունեցող ռուսական ներկայացուցչության հովանու ներքո: Այս գործընկերությունը հայաստանայն հաճախորդներին կպարգեւի մի շարք առավելություններ, որոնցից արդեն իսկ օգտվում են այս բրիտանական ավտոմեքենաների վարորդները Ռուսաստանում, Բելարուսում եւ Ղազախստանում` միասնական գնային քաղաքականություն, անհատական մոտեցում, սպասարկման բարձրագույն մակարդակ, ինչպես նաեւ զանազան ծրագրեր, որոնք Jaguar եւ Land Rover ավտոմեքենաների վարորդներին առաջարկում են լրացուցիչ արտոնություններ:

Մինչեւ Jaguar Land Rover Ռուսաստան, Հայաստան, Բելարուս, Ղազախստան ընկերության միասնական դիլերական ցանցի մաս դառնալը «Ֆորա» ընկերությունը վաճառում եւ սպասարկում էր միայն Land Rover եւ մի շարք այլ մակնիշի ավտոմեքենաներ: Jaguar Land Rover Ռուսաստան ընկերության հետ համագործակցության շնորհիվ Հայաստանի ավտոշուկայում հայտնվում է նաեւ Jaguar ապրանքանիշը, եւ այժմ բոլոր հաճախորդներին հասանելի կլինի նաեւ այս բրիտանական առասպելական ավտոմեքենաների ողջ մոդելային շարքը:

«Ֆորա Պրեմիում» ՍՊԸ-ն իր գործունեությունը կվարի` պահպանելով Jaguar եւ Land Rover ապրանքանիշների զարգացման եւ հաճախորդների սպասարկման բոլոր պահանջներն ու չափորոշիչները: Ավտոկենտրոնը համալրված է բոլոր անհրաժեշտ սարքավորումներով, որոնք թույլ են տալիս կատարել ցանկացած տեսակի աշխատանք ամենաբարձր մակարդակով: Դիլերական կենտրոնի ցուցադրական հատվածի ընդհանուր մակերեսը կազմում է 600քմ: Ցուցասրահը կարող է տեղավորել միանգամից 11 ավտոմեքենա, իսկ 495 քմ մակերեսով սպասարկման հատվածը համալրված է 4 բարձակներով: Ավտոկենտրոնի հաճախորդները կարող են օգտվել նաեւ հանգստյան գոտուց եւ անվճար Wi-Fi ծառայությունից:

«Ֆորա Պրեմիում» ՍՊԸ հաճախորդները հնարավորություն ունեն` գնահատելու Jaguar եւ Land Rover ավտոմեքենաների բոլոր ունակությունները` թեստ-դրայվի համար ընտրելով ցանկացած մոդել: Դիլերական կենտրոնի հաճախորդների ուշադրությանն է ներկացվում Jaguar ապրանքանշանի ողջ մոդելային շարքը. ներկայացուցչական դասի սեդան եւ մոդելային շարքի առաջատար՝ XJ-ը, բիզնես դասի սեդան՝ XF-ը, կոմպակտ սեդան՝ XE-ն, լիովին նոր սպորտային SUV՝ F-PACE-ը եւ դինամիկ F-TYPE-ը: Առասպելական Land Rover մակնիշի մոդելային շարքը ներառում է շքեղ առաջատար Range Rover-ը, անգերազանցելի Range Rover Sport-ը, ոճային Range Rover Evoque-ը, բազմաֆունկցիոնալ Discovery-ն, կոմպակտ եւ ֆունկցիոնալ ամենագնաց՝ Discovery Sport-ը:

«Ֆորա Պրեմիում» ՍՊԸ դիլերական կենտրոնի հաճախորդները կարող են օգտվել նաեւ լրացուցիչ ծառայությունների լայն շրջանակից, որոնք թույլ են տալիս լիովին վայելել Jaguar Land Rover շքեղ սպասարկամամբ:  Ավտոկենտրոնը համալրված է ժամանակակից սարքավորումներով, որը թույլ է տալիս իրականացնել բարձրորակ երաշխիքային եւ հետերաշխիքային աշխատանքներ, ինչպես նաեւ ցանկացած բարդության վերանորոգում: Գնումից հետո հաճախորդների ուղեկցման ծրագիրը ներառում է անձնական խորհրդատուի ծառայություններ, ինչպես նաեւ փոխնակ մեքենայի տրամադրում` սպասարկման ժամանակահատվածի համար: Դիլերական կենտրոնում կարելի կլինի ձեռք բերել նաեւ օրիգինալ պահեստամասեր, ֆիրմային աքսեսուարներ եւ լրացուցիչ սարքավորումներ:

Դիլերական կենտրոնի անձնակազմը բաղկացած է 15 որակյալ աշխատակիցներից: Վաճառքի բաժնի խորհրդատուները միշտ պատրաստ են օգնել ապագա մեքենայի ընտրության հարցում` պոտենցիալ հաճախորդներին տրամադրելով տեղեկություններ ցանկացած հարցի շուրջ, ինչպես նաեւ իրականացնել հաճախորդի նախընտրած մոդելի թեստ-դրայվ:

Հայաստանում «Ֆորա Պրեմիում» ՍՊԸ դիլերական կենտրոնի բացումը հանդիսանում է կարեւոր փուլ Jaguar Land Rover ընկերության բիզնեսի զարգացման  եւ աշխարհով մեկ դիրքերի ամրապնդման հարցում: Jaguar Land Rover-ը մեծ ուշադրություն է դարձնում դիլերական ցանցի զարգացմանն ու դրան օժանդակելուն: Առաջադեմ տեխնոլոգիաները, սպասարկման անգերազանցելի մակարդակը, աշխատողների բարձր որակավորումը հանդիսանում են Jaguar Land Rover ձեռնարկությունների ողջ աշխարհով մեկ գրանցվող հաջողությունների անբաժանելի մասը:  Այսուհետ պրեմիալ սպասարկման նմանատիպ մակարդակը հասանելի կլինի նաեւ Jaguar Land Rover-ի հայաստանյան հաճախորդներին: