Կայացավ Renault Arkana մոդելի պաշտոնական շնորհանդեսը
- chat Հաղորդագրություններ
- Դիլերներ
- Դառնալ ավտոդիլեր
- Գովազդ կայքում
- Օգտագործման կանոնները
- Օգնություն
- Կապ
- Հայերեն Русский English
Օգոստոսի 4-ին Երեւանում՝ Ռուբինյանց 30/1 հասցեում, Հայաստանում KIA ապրանքանիշի պաշտոնական ներկայացուցիչ «Կապիտալ Մոթորս» ընկերությունը պաշտոնապես բացեց KIA-ի նոր ավտոսրահը: Բացման արարողության ընթացքում կայացավ նաեւ հարավկորեական ընկերության 2017 KIA Sportage GT Line ավտոմեքենայի պաշտոնական շնորհանդեսը:
KIA ընկերության Արեւելյան Եվրոպայի եւ ԱՊՀ երկրների տարածաշրջանային գրասենյակի նախագահ Թոմ Լին (Tom Lee, President of the Regional Headquarters of Eastern Europe & CIS) նշեց, որ հպարտ է, որ մասնակցում է Հայաստանում KIA ընկերության ավտոսրահի եւ սպասարկման կենտրոնի բացմանը: «Ինձ համար մեծ պատիվ է, լինելով քրիստոնյա, բացել այս կենտրոնն աշխարհում քրիստոնեությունն առաջինն ընդունած երկրում»,- ասաց Թոմ Լին՝ հավելելով, որ կարեւորում է KIA-ի ներկայությունը հայաստանյան շուկայում։
Բացմանը ելույթ ունեցավ նաեւ Հայաստանի փոխվարչապետ, միջազգային տնտեսական ինտեգրման եւ բարեփոխումների նախարար Վաչե Գաբրիելյանը՝ ողջունելով հարավկորեական ընկերության մուտքը Հայաստան։
«Կապիտալ Մոթորս» ընկերության հիմնադիր Սամուել Սամուելյանը նշեց, որ հպարտ է դառնալ KIA-ի ընտանիքի անդամ: «Մենք մեծ ջանքեր ենք գործադրել KIA ապրանքանիշը Հայաստան վերադարձնելու համար եւ ես ցանկանում եմ շնորհակալություն հայտնել մեր ամբողջ թիմին՝ կատարված աշխատանքի համար: Խոստանում ենք նվիրված լինել մեր հաճախորդին եւ երաշխավորում ենք բարձր որակ ու պրոֆեսիոնալ մոտեցում»:
KIA-ի դիլերական կենտրոնի բացման առիթով Auto.am-ի հարցերին պատասխանեց «Կապիտալ Մոթորս» ընկերության կոմերցիոն տնօրեն Գագիկ Նուրիջանյանը:
- KIA-ի նման հանրահայտ ավտոբրենդի վերադարձը, իհարկե, դրական ազդակ է Հայաստանի ավտոշուկայի համար: Ինչպիսի՞ն է լինելու գնային քաղաքականությունը՝ հաշվի առնելով ռուսաստանյան շուկայի դիլերների գործոնը եւ բանկային համակարգի պասիվությունը ավտոշուկայում։
- Մենք աշխատելու ենք հաճախորդին ներկայանալ այնպիսի գնային առաջարկներով, որ KIA ապրանքանիշի երկրպագուները համոզվեն, որ KIA ավտոմեքենաների ձեռքբերման ամենաշահավետ տարբերակը մեր ավտոսրահի առաջարկներից օգտվելն է։ Մենք առաջարկում ենք երաշխիքային աննախադեպ պայմաններ՝ մինչեւ 5 տարի կամ 150,000 կմ վազք։ Վստահ ենք, որ դա շատ կարեւոր գործոն է։ Նշեմ, որ մեր տեխսպասարկման կենտրոնը համալրված է բոլոր անհրաժեշտ սարքավորումներով, որոնք թույլ կտան կատարել ցանկացած տեսակի աշխատանքներ ամենաբարձր մակարդակով, ինչը նույնպես շատ կարեւոր է գնորդի համար։
- KIA-ի ո՞ր մոդելներն են ներկայացվելու Հայաստանում:
- Ինչպես նկատեցիք, ավտոսրահի բացմանը մենք ներկայացրինք KIA-ի ամենահայտնի եւ մասսայականություն վայելող մոդելներից մեկը՝ Sportage մոդելի GT Line մոդիֆիկացիան: Հաճախորդներին կառաջարկվեն նաեւ Cerato, Optima մոդելները, հաջորդ տարի սպասում ենք KIA Picanto մոդելին: 2018-ին էլ սպասում ենք նոր Sorento-ին եւ շատ մեծ աղմուկ հանած, KIA-ի մոդելային շարքում լիովին նոր մոդել KIA Stinger-ին։
Անպայման կառաջարկենք նաեւ RIO մոդելը, որն արտադրվում է Ռուսաստանում։ Այնպես որ, մեր բոլոր հաճախորդները կգտնեն իրենց ճաշակին եւ գրպանին համապատասխան ավտոմեքենա: Եվս մեկ անգամ նշեմ, որ բոլոր ավտոմեքենաների համար տրամադրելու ենք 5 տարի կամ մինչեւ 150,000 կմ երաշխիքային սպասարկում, ինչը վկայում է այն մասին, որ KIA ընկերությունը վստահ է իր արտադրված ավտոմեքենաների որակում։
- Հայտնի է, որ Հայաստանում բավականին լուրջ խնդիր է ավտոսրահում արագ պատվիրել կամ գնել ավտոմեքենա, նկատի ունենք ավտոմեքենաների առկայության խնդիրը եւ պատվերի դեպքում արագ ստանալը:
- Մենք պլանավորում ենք ավտոսրահում ունենալ Հայաստանում վաճառքի համար նախատեսված մոդելային շարքի 60 տոկոսը, ինչը մեզ թույլ կտա հաճախորդին անմիջապես վաճառել տեղում առկա ավտոմեքենաները, իսկ հատուկ կոմպլեկտացիայով մոդելները, որոնք առկա չեն լինի սրահում, կարող ենք հաճախորդին հասցնել մոտ 2 ամսում, ինչը ստանդարտ իրավիճակ է Հայաստանի շուկայի համար։
Ավելացնեմ, որ բանակցում ենք մի քանի բանկերի հետ, որոնց հետ քննարկում ենք ավտովարկավորման եւ ավտոլիզինգի շատ հետաքրքիր պայմաններ։ Իհարկե, ցանկացած հաճախորդ նույնպես իր նախընտրած բանկի միջոցով կկարողանա ավտոմեքենա ձեռք բերել մեզ մոտ։
