Օգտագործողի տվյալներ

Auto.am դոմեյնի և կայքի սեփականատերը և շահագործողը հանդիսանում է «ԷՅԷՄ Աուտոմոտիվ» ՍՊԸ ընկերությունը։

Մենք կարևորում ենք Auto.am կայքի օգտատերերի անձնական տվյալների պահպանման, ինչպես նաև խմբագրման և հեռացման հնարավորությունը։

Կայքում գրանցվելուց հետո օգտատերը ցանկացած ժամանակ կարող է խմբագրել անձնական տվյալները՝ փոխել գաղտնաբառը, փոխել հեռախոսահամարը, ավելացնել Viber և WhatsApp հավելվածներին կցված հեռախոսահամարներ կամ հեռացնել անձնական հաշիվը՝ https://auto.am/account/profile

Auto.am կայքում գրանցված օգտատիրոջ անձնական տվյալները մշակվում են կայքում գրանցվելու, կայքի ծառայություններից օգտվելու և հաղորդագրություններ ուղարկելու նպատակներով։ Տվյալները չեն կարող օգտագործվել այլ նպատակներով կամ փոխանցվել երրորդ կողմերին առանց օգտատիրոջ համաձայնության, բացառությամբ այն դեպքերի, երբ տվյալների տրամադրումը նախատեսված է ՀՀ օրենսդրությամբ։

Կայքը օգտատիրոջ անձնական տվյալներն օգտագործում է նրան իդենտիֆիկացնելու, անհրաժեշտության դեպքում հաղորդագրություններ, էլեկտրոնային նամակներ ուղարկելու, ինչպես նաև կայքի օգտագործման կանոնները խախտելու դեպքում հաշիվը արգելափակելու կամ արգելափակումից հանելու համար։

Օգտատերը համաձայնվում է, որ կայքում իր հայտարարությունները, անունը, ազգանունը, նաև մուտքանունը (եթե այն երևում է հայտարարությունների և հաղորդագրությունների բաժնում) դառնում են հրապարակային։

Եթե մենք ստանում ենք հայտարարություններին կամ հաղորդագրություններին վերաբերող բողոքներ, որտեղ նշվում է, որ առկա են Auto.am կայքի Օգտագործման կանոնների խախտումներ կամ ՀՀ օրենքով նախատեսված իրավախախատումներ, մենք իրավունք ենք վերապահում դադարեցնել տվյալ օգտատիրոջ մուտքը Auto.am կայք՝ արգելափակելով նրան։

Auto.am կայքը հնարավորություն ունի և իրավունք է վերապահում անհրաժեշտության դեպքում անցկացնել հաղորդագրությունների դիտարկում։

Auto.am կայքը իրավունք է վերապահում օգտատիրոջ անձնական տվյալները, հայտարարությունները և հաղրոդագրություններ պահպանել և արխիվացնել։ Այդ տվյալները կայքը օգտագործում է օգտատերերին իդենտիֆիկացնելու, հետագայում կայքում կրկին գրանցվելու, կրկնվող հայտարարություններ տեղադրելու դեպքերը ֆիքսելու և կայքի վիճակագրական տվյալները ապահովելու համար։

Օգտատերը հայտարարություններ տեղադրելիս կամ հաղորդագրություններ ուղարկելիս գիտակցում է, որ ինքնուրույն է գնահատում այն ռիսկերը, որոնք կարող են առաջանալ տվյալ գործողություններից։

Եթե օգտատերը չի կարողանում ինքնուրույն ջնջել հաշիվը, նա կարող է օնլայն տարբերակով դիմել Auto.am կայքին և պահանջել հեռացնել իր հաշիվը։

Հաշիվը ջնջելուց հետո օգտատերը նույն տվյալներով այլևս չի կարող մուտ գործել կայք։