Երեւան: Մեդիամաքս: ՀՀ ԱԺ-ն այսօր առաջին ընթերցմամբ ընդունել է “Ավտոտրանսպորտային միջոցների կայանատեղերի տեղական տուրքերի մասին” օրինագիծը:
Ինչպես հաղորդում է Մեդիամաքսը, օրինագծի ընդունմանը կողմ են քվեարկել 72 պատգամավորներ, դեմ` 1, ՀՅԴ պատգամավորները ձեռնպահ են մնացել:
Օրինագիծը կարգավորում է տուրքերի չափը, վճարման պայմաններն ու ձեւերը, վճարումից հրաժարվելու պատասխանատվությունը:
Տուրքը կտարածվի համայնքային նշանակություն ունեցող տարածքների, մասնավորապես` փողոցների եւ հրապարակների վրա: Համայնքները իրենք են որոշելու կայանատեղերի տարածքներն ու տուրքերի չափերը: Օրենքով նախատեսված են գոտիներ, որտեղ կարգելվեն վճարովի կայանատեղեր, մասնավորապես` բնակելի տների բակերում:
Մեկ ժամվա կայանման առավելագույն գումարը կկազմի 500 դրամ, մեկ օրվա համար` 3 հազ. դրամ, մեկ շաբաթվա համար` 6 հազ. դրամ, մեկ ամսվա համար` 30 հազ. դրամ: