Երեւան: Մեդիամաքս: Volvo Truсks Corporation եւ Krone holding GmbH&Co.KG ընկերությունների ներկայացուցիչներն այսօր ՀՀ վարչապետ Տիգրան Սարգսյանի հետ քննարկել են Հայաստանում բեռնատար ավտոմեքենաների տարածաշրջանային մասնագիտացված երաշխիքային սպասարկման կենտրոնի հիմնադրման հեռանկարները:
Ինչպես Մեդիամաքս-ին հայտնել են կառավարության մամուլի ծառայությունում, զրուցակիցները քննարկել են նաեւ Հայաստանում գյուղատնտեսական տեխնիկայի, բեռնատարների եւ մինչեւ 5 տոննա բեռնատարողությամբ սառնարանային թափքերի հավաքման կազմակերպման հնարավորությունները:
Վարչապետը նշել է, որ ՀՀ կառավարությունը պատրաստակամ է ցուցաբերել օժանդակություն ներկայացված ծրագրերի իրականացման նպատակով:
Volvo Truсks Corporation եւ Krone holding GmbH&Co.KG ընկերությունների հայաստանյան գործընկերն է «Սպայկա» ընկերությունը:
Like
OK
