Երեւանի քաղաքապետարանի եւ լատվիական «Սիթի Փարքինգ Սերվիս Սիստեմս» ընկերության միջեւ այսօր կնքվել է երկարաժամկետ համագործակցության պայմանագիր` Երեւանում ժամանակակից ու ապահով ճանապարհային կառավարման եւ անվտանգության համակարգ ներդնելու նպատակով:
Ինչպես Մեդիամաքս-ին հայտնել են քաղաքապետարանի տեղեկատվության եւ հասարակայնության հետ կապերի վարչությունից, պայամանագրի հիման վրա ստեղծված «Երեւան Սիթի Փարքինգ Սերվիս Սիստեմս» ընկերությունը շեշտը դնելու է ժամանակակից ավտոկայանատեղերի ստեղծման եւ կառավարման վրա:
Լատվիական կողմը մայրաքաղաքում շուրջ մլն-ի ներդրումներ կիրականացնի, ինչը կօգտագործվի 450 ավտոկանգառման եւ գրասենյակային սարքավորումների ներկրման համար:
Երեւանի ավագանու արտահերթ նիստում նաեւ որոշում է ընդունվել քաղաքի բյուջեում եկամուտների եւ ծախսերի վերաբաշխման արդյունքում շենքերի ֆասադային մասերի բարեկարգման ծրագրում ընդգրկել եւս 200 շենք եւ լրացուցիչ գումարներ ուղղել Երեւանի հեղեղատար կոյուղու վերակառուցմանը:
