ՀՀ նախագահը կառավարության առջեւ հրատապ խնդիր է դրել հնարավորին չափ արագ ժամանակակից մաքսային կետեր կառուցել:
Ինչպես հաղորդում է Մեդիամաքս-ը, այս մասին այսօր կառավարության նիստում ասել է վարչապետ Տիգրան Սարգսյանը:
«Մենք կառուցելու ենք ժամանակակից մաքսային կետեր, կարելի է ասել` համալիրներ, որոնք ներառելու են պետության կողմից տրամադրվող բոլոր ծառայությունները»,-ասել է վարչապետը եւ նշել, որ պետք է հնարավոր դարձնել որակապես նոր ծառայությունների մատուցումը մեկ պատուհանի սկզբունքով:
Հայ-վրացական պետական սահմանի Բագրատաշենի, Գոգավան-Պրիվոլնոյեի եւ Բավրայի անցման կետերի շինարարական աշխատանքների իրականացման համար կառավարությունը ՊԵԿ նախագահի ղեկավարությամբ ստեղծել է մրցութային հանձնաժողով եւ հաստատել դրա կազմը։
Like
OK
