VinCheck.am. Ձեր ապագա մեքենայի նախկին «կյանքը»

Գաղտնիք չէ, որ Հայաստան ներկրվող տրանսպորտային միջոցների գերակշիռ մասը կազմում են արդեն շահագործված, ոչ նոր ավտոմեքենաները, որոնք ներկրվում են թե՛ Ռուսաստանից ու ԵՏՄ անդամ երկրներից, թե՛ եվրոպական երկրներից ու Ճապոնիայից, եւ հատկապես՝ Միացյալ Նահանգներից:

Որոշակի հաշվարկները ցույց են տալիս, որ արտերկրից գնված, Հայաստան տեղափոխված, մաքսազերծված, այստեղ վերանորոգված ավտոմեքենաները շատ ավելի մատչելի են գնորդների մի ստվար զանգվածի համար, քան՝ տեղական շուկայում վաճառվողները: Սակայն ամենից դժվարը առաջին քայլն է, ինչպե՞ս գտնել լավ եւ հարմար մեքենա:

Վերջերս գործարկվել է VinCheck.am կայքը, որի անհրաժեշտությունը կարեւորվում է հատկապես նրանց համար, ովքեր նպատակ ունեն մեքենա ձեռք բերել ԱՄՆ ավտոդիլերներից կամ առցանց աճուրդներից՝ copart, iaai, manheim եւ այլն:  Հաճախ լուսանկարներից ստացված տպավորությունները եւ մեքենայի իրական տեսքը տարբերվում են, կամ լուսանկարներն այնպես են արվում, որ հնարավոր չի լինում պատկերացնել դիտարկվող մեքենայի վթարայնության չափը:

VinCheck.am կայքը նման հնարավորություն ընձեռնում է, որից օգտվելով տեղեկանում ենք մեքենայի իրական պատմությանը, օրինակ` որքա՞ն է իրական վազքը, նախկինում քա՞նի սեփականատեր է ունեցել, վթարի քա՞նի անգամ է ենթարկվել, գուցե գտվում է հետախուզման մե՞ջ, փաստաթղթերը համապատասխանո՞ւմ են արտահանման մասին ԱՄՆ օրենքներին, ի՞նչ կարգի նորոգումների է ենթարկվել, ե՞րբ է փոխվել շարժիչի յուղը, ի՞նչ նպատակներով է շահագործվել եւ այլն:

Համոզված ենք, այս կարգի տեղեկատվությունից որեւէ պոտենցիալ գնորդ չի հրաժարվի եւ մեքենայի ընտրության հարցում հնարավորինս չի սխալվի, մանավանդ, շնորհիվ ընկերության ստեղծած հնարավորության (ի տարբերություն ԱՄՆ-ում գործող գների), ծառայությունը բավականին մատչելի է` 2000 դրամ: www.vincheck.am կայքից օգտվելու կարգն էլ շատ պարզ է. հարկավոր է  «ստուգել vin-ը» դաշտում ներբեռնել դիտարկվող մեքենայի 17 նիշանոց նույնականացման համարը /vin կոդ/ եւ կարճ ժամանակում ստանալ մեքենայի պատմությունը:

Մաղթում ենք ճիշտ ընտրություն եւ բարի երթ:

Facebook Odnoklassniki

25404 դիտում