Հայաստանում մեկնարկում են լիովին նոր Renault Kaptur ավտոմեքենայի վաճառքները

Renault-ն հայտարարում է Հայաստանում KAPTUR մոդելի վաճառքների մեկնարկն ու բարձրաձայնում այս լիովին նոր լիաքարշ քրոսովերի գները:   

Ոճային դիզայնի եւ Atelier Renault անհատականացման օպցիաներին զուգահեռ, KAPTUR-ը ստացել է երկու հզոր բենզինային շարժիչ եւ չորս տեսակի փոխանցումատուփ, այդ թվում նաեւ անաստիճան ավտոմատ  CVT X-Tronic փոխանցումատուփը: Նոր լիաքարշ քրոսովերն առանձնանում է տեխնիկական համալրման բարձր մակարդակով (ESP, «ազատ ձեռքեր» բանալի-քարտ, Renault Start, MediaNAV 2.2 մուլտիմեդիա համակարգ եւ այլն):

Այս ավտոմեքենայի հիմքում Renault-ի եվրոպական Captur մոդելն է։

Իր չափերով ավտոմեքենան շատ մոտ է Renault Duster-ին: Այն արտադրվելու է Bo պլատֆորմի հիմքի վրա, ավտոմեքենայի երկարությունը կլինի 4333 մմ, լայնությունը՝ 1813, բարձրությունը՝ 1613, լուսածերպը՝ 204 մմ, անիվային բազան՝ 2674մմ։

 

Renault KAPTUR-ի համար առաջարկվում են երկու հուսալի բենզինային շարժիչ՝ 1.6լ (114 ձ.ուժ) եւ 2.0լ (143 ձ.ուժ), որոնք ցուցադրում են լավ դինամիկա եւ վառելիքի ցածր ծախս, ինչպես նաեւ հարմարեցված են -30° ջերմաստճանային պայմաններում մեկնարկին: Երկու շարժիչներն էլ համապատասխանում են  Euro-5 բնապահպանական ստանդարտին, իսկ EcoMode ռեժիմը թույլ է տալիս տնտեսել վառելիքի մինչեւ 12%-ը՝ կախված վարելաոճից:

Մեխանիկական փոխանցումատուփերը ներկայացված են 5-աստիճան եւ 6-աստիճան տարբերակներով, որոնք համապատասխանաբար հասանելի են 1,6լ շարժիչով եւ առջեւի քարշակմամբ մոդելների եւ 2,0լ շարժիչով եւ լիաքարշ մոդելների համար: Ավանդական ավտոմատ փոխանցումատուփը հատուկ հարմարեցված է արտաճանապարհային պայմաններում երթեւեկելու համար եւ առաջարկվում է 2-լիտրանոց շարժիչի եւ լիաքարշ համակարգի հետ համատեղ:  

Առջեւի քարշակմամբ տարբերակներում մեխանիկական փոխանցումատուփի այլընտրանք է հանդիսանում CVT X-Tronic փոխանցումատուփը, որը հատուկ նախագծվել է Renault KAPTUR-ի համար  Renault-ի ռուսաստանյան ինժեներների մասնակցությամբ: Երբ գազի ոտնակը սեղմվում է մեկ երրորդից ավելի չափով՝ CVT X-Tronic-ը իմիտացնում է աստիճանային փոխարկումներն, ինչպես դա անում է ավանդական «ավտոմատը»: Ընդ որում վառելիքի ծախսն, ի տարբերություն «ավտոմատների», ոչ թե բարձր է, այլ ավելի ցածր, քան մեխանիկական փոխանցումատուփերի համար: KAPTUR 1.6 CVT X-Tronic մոդելը խառը ցիկլում ծախսում է ընդամենը 7,1 լ/100կմ նույն մոդելի մեխանիկական փոխանցումատուփով տարբերակի համար գրանցվող 7,4 լ/100 կմ ցուցանիշի դիմաց:  

 

Renault KAPTUR-ի 4х4 տարբերակնկերը համալրվում են խելացի լիաքարշ համակարգով, որն աշխատում է երեք ռեժիմենրով՝ 2WD, 4WD Lock, AUTO: Համակարգն առանձնանում է բարձր հուսալիությամբ եւ հիանալի կերպով ադապտացված է արտաճանպարհային ծանր պայմաններում աշխատելուն:  

Քրոսովերը արտադրվում է Մոսկվայում։ Տեղական ավտոպահեստամասերի լոկալիզացիան բավականին մեծ է, ինչը թուլ է տալիս լավ գին առաջարկել ավտոմեքենայի համար։ Renault-ում բավականին մեծ հույսեր են կապում Kaptur մոդելի հետ:

Ավտոմեքենան  հենց սկզբից նախագծված է ռուսաստանյան շուկայի առանձնահատկությունները հաշվի առնելով, եւ գործընթացին ակտիվորեն մասնակցել են ռուսաստանցի մասնագետները։

Renault KAPTUR-ը կառուցված է Global Access մոդուլային հենահարթակի ամենակատարյալ տարբերակի հիման վրա, որն իր հերթին բարելավվել է ակուստիկ եւ վիբրացիոն հարմարավետության, էլեկտրոնիկայի եւ պասիվ անվտանգության տեսանկյուններից:  
 

KAPTUR-ը լիաքարշ քրոսովեր է, որն առանձնանում է բարձր լուսածերպով, հզոր, հուսալի եւ էներգակլանող կախոցով, ինչպես նաեւ Renault Start համակարգով: KAPTUR-ը հիանալի կերպով ադապտացված է Ռուսաստանի եւ ԱՊՀ տարբեր տարածաշրջաններին բնորոշ ճանապարհային եւ կլիմայական պայմաններում շահագործմանը:  
 
Ավտոմեքենան անցել է ավելի քան 100 000 կմ փորձարկումներ Ռուսաստանի եւ այլ երկրների ճանապարհներին:  
 
Renault Kaptur-ն արդեն վաճառվում է ընկերության Հայաստանի դիլեր՝ «Մեգնա» ընկերության սրահում: Յուրաքանչյուր համալրման հասանելիությունն ու գինը կարելի է ճշտել հենց դիլերական կենտրոնում՝ ք.Երեւան, Կոմիտաս պող.  47 հասցեով: