Օգոստոսի 1-ին Renault Twizy էլեկտրոմոբիլը Betconstruct ընկերությունում էր:
Հայաստանում «Մեգնա» ընկերության կողմից պաշտոնապես ներկայացված առաջին էլեկտրոմոբիլի այցելության ժամանակ ընկերության աշխատակիցներին ներկայացվեցին էլեկտրոմոբիլի տեխնիկական առանձնահատկությունները։ Բացի այդ, ամենահետաքրքրքված և վարորդական իրավունք ունեցող աշխատակիցները նաև հնարավորություն ունեցան թեստ-դրայվ իրականացնել հենց ընկերության բակում:
Նշենք, որ Twizy-ի այցելությունը Հայաստան բոլորովին պատահական չէ։ Դրա նպատակը նմանատիպ գաղափարների նկատմամբ հայկական շուկայի վերաբերմունքի բացահայտումն է։
Հիշեցնենք, որ չնայած իր փոքր չափերին և յուրահատուկ տեսքին, այն բավականին տպավորիչ տեխնիկական ցուցանիշներ ունի: Քաղաքային ռեժիմում Renault Twizy-ն մեկ լիցքավորմամբ կարող է անցնել մինչև 100 կմ տարածություն, իսկ լիցքավորումն իրականացվում է ստանդարտ ձևով՝ կենցաղում կիրառվող 220 վոլտ վարդակից։ Մեքենայի ամբողջական լիցքավորումը տևում է ընդամենը 3,5 ժամ: Երկտեղանի մեքենան բավականին թեթև է՝ ունի 487 կգ քաշ։
Renault Twizy-ն մեծ տարածում ունի ամբողջ աշխարհում։ Այն համարվում է իդեալական լուծում քաղաքային ծանրաբեռնված երթևեկության և կայանատեղիների ամենօրյա նյարդայնացնող պայմաններում:
Դե ինչ, հուսանք էկոլոգիապես մաքուր մեքենաները Հայաստանյան փողոցներում շուտով հաճախ կերևան: