b x a .

Renault-ի «սուրբ» եռյակը՝ Koleos, Kaptur, Duster

remove_red_eye5771

Renault-ի «սուրբ» եռյակը՝ Koleos, Kaptur, Duster

Հուլիսի վերջին Renault ընկերության հրավերով Auto.am-ը մասնակցեց թեստ-դրայվի Ղազախստանում։ Մեզ հրավիրել էին փորձարկելու Renault մակնիշի 3 քրոսովերների  (Koleos, Kaptur, Duster) հնարավորությունները:

Հայաստանից թեստ-դրայվին մասնակցում էի ես՝ Auto.am-ից եւ Երվանդ Ղարիբյանը՝ «Ավտոշքերթ» հաղորդաշարից։

Կազմակերպիչները շատ գեղատեսիլ վայրեր էին ընտրել քրոսովերները փորձարկելու համար։ Մեր ճանապարհորդությունը սկսվեց կանաչապատ Ալմա-Աթայից՝ Բարտոգայի ջրամբարով դեպի Ղազախստանի ամենատեսարժան վայրերից մեկը` Չարինյան կանյոնը։ Անպայման այցելեք, եթե մի օր հայտնվեք Ղազախստանում` շատ նման է ԱՄՆ-ում Արիզոնայի Մեծ կանյոնին։

 

 #RenultKoleos  - Յուրահատկություններ

  • Koleos-ը Renault-ի նորագույն քրոսովերն է,
  • մոդելի պրեմիերան կայացել է 2016 թվականին Պեկինի Միջազգային ավտոսրահում,
  • այն ներկայացվում է որպես D սեգմենտի ավտոմեքենա,
  • Koleos-ն ունի ALL-Mode 4x4i լիաքարշակ համակարգ,
  • Մեծ լուսածերպ՝ 210 մմ,
  • Իր դասի մեջ ունի ամենաընդարձակ սրահը,
  • Բազմաֆունկցիոնալ R-Link մուլտիմեդիա համակարգ՝ 8,7” էկրանով,
  • Հասանելի է 3 տեսակի շարժիչ՝ բենզինային 2․0 (144 ձիաուժ), 2․5 (171 ձիաուժ): Թեստավորման ընթացքում մեզ բաժին էր հասել վերջին տարբերակը եւ տուրբոդիզել 2․0 dCi-ը (177 ձիաուժ)
  • Նոր ադապտիվ ավտոմատ փախանցման տուփ՝ CVT X-Tronic,
  • Լիովին դիոդային լուսարձակներ,
  • Վաճառքը Ռուսաստանում սկսվել է 2017 հուլիսին, Հայաստանում վաճառքները կսկսվեն, հավանաբար, այս տարվա աշնանը,
  • Արտադրվում է Հարավային Կորեայում:

Արտաքինից չափսերը գուցե չեն տպավորում, բայց սրահում հայտնվելիս շատ հարմարավետ ու ազատ ես զգում

Ղեկին նստելիս միանգամից նկատում ես մեծ էկրան, որը հիշեցնում է Tesla Model S-ի եւ Volvo XC90 -ի սրահի touch-screen էկրանները

Արտաքինից չափսերը գուցե չեն տպավորում, բայց սրահում հայտնվելիս շատ հարմարավետ ու ազատ ես զգում

Նոր ադապտիվ ավտոմատ փախանցման տուփ՝ CVT X-Tronic,

Կարեն Անտոնյանը Auto.am, Երվանդ Ղարիբյանը «Ավտոշքերթ», Վասիլիսա Զոտովա (Vasilisa ZOTOVA, Renault Russia)

Չարինյան կանյոնը։ Անպայման այցելեք, եթե մի օր հայտնվեք Ղազախստանում` շատ նման է ԱՄՆ-ում Արիզոնայի Մեծ կանյոնին

Մեծ լուսածերպ՝ 205 մմ

Իր դասի մեջ ունի ամենաընդարձակ սրահը, Երվանդ Ղարիբյանը՝ «Ավտոշքերթ» հաղորդաշարից պատրաստվում է թեստ-դրայվին

Koleos-ը Renault-ի նորագույն քրոսովերն է,

Մեծ լուսածերպ՝ 210 մմ

Մոդելի պրեմիերան կայացել է 2016 թվականին Պեկինի Միջազգային ավտոսրահում,

Առաջինը մեր թիմին բաժին հասավ փորձարկելու Renault-ի ամենանոր քրոսովերը՝ Koleos մոդելը, որը մոտ ապագայում արդեն կվաճառվի Հայաստանում, ինչը հաստատեցին Հայաստանում Renault-ի պաշտոնական ներկայացուցիչ Megna ընկերությունում։

Վազքարշավը սկսեցինք Ղազախստանի հին մայրաքաղաքից՝ Ալմա-Աթայից: Խոստովանեմ, որ կուզենայի Երեւանը լիներ այդպիսի կանաչապատ եւ մաքուր, ինչպիսին է Ալմա-Աթան։

Քաղաքի ճանապարհների որակը անհամեմատ ավելի բարձր է, քան մեզ մոտ, եւ Koleos մոդելը հենց քաղաքում շատ լավ էր իրեն զգում. չնայած համեմատաբար մեծ չափսերին, քաղաքի փողոցներում այն շատ հեշտ էր կառավարվում: Եթե չլիներ բարձր լուսաճեպքը, որը կազմում է 21 սմ, տպավորություն է ստեղծվում, որ գտնվում ես մեծ սեդանում։

Ղեկին նստելիս միանգամից նկատում ես մեծ էկրան, որը հիշեցնում է Tesla Model S-ի  եւ Volvo XC90 -ի սրահի touch-screen էկրանները։ Այն մեծ է, ինֆորմատիվ, touch-ը բավականին արագ է աշխատում, էկրանի գործառույթները չեն փոխարինում սրահի բոլոր կոճակները, ինչպես Tesla-ում, այլ կրկնօրինակում են դրանք։

Արտաքինից չափսերը գուցե չեն տպավորում, բայց սրահում հայտնվելիս շատ հարմարավետ ու ազատ ես զգում. նստատեղերը հարմարավետ են, նույնիսկ նստատեղերի հովացման հնարավորություն կա, ինչը կարելի է հանդիպել միայն պրեմիում դասի թանկարժեք քրոսովերներում։

Հատուկ կցանկանայի շեշտել հետեւի նստատեղերի հարմարավետությունը. ես մեծ հաճույքով կնստեի հետեւում, եթե իմ փոխարեն մեկը վարեր ավտոմեքենան, ու կվայելեի ճանապարհի գեղեցկությունը։ Ձայնամեկուսացումն իր դասի համար բավականին լավն է, սրան գումարենք Bose աուդիոհամակարգը, որը նույնպես տեղադրվում է դասով բարձր ավտոմեքենաներում: Քեզ անընդհատ ուղեկցում է զգացողությունը, որ դու գտնվում ես գրեթե պրեմիում դասի ավտոմեքենայում։

Koleos-ը վարելիս ավելի շատ պատկերացնում ես 4-5 հոգանոց ընտանիքով ճանապարհորդություն, օրինակ՝ դեպի Պարզ լիճ, կամ Ենոքավան։ Ավտոմեքենայի չափսերը թուլ են տալիս չհոգնել երկար ճանապարհից, բեռնախցիկը բավականին տարողունակ է մեծ ճամպրուկների համար, եթե, իհարկե, գազաբալոնային համակարգ չտեղադրվի ավտոմեքենայում: Նշեմ, որ 100 կիլոմետրին Koleos-ը ծախսում է 9,5 լիտր բենզին քաղաքում եւ 6 լիտր՝ քաղաքից դուրս. թե որքան խնայող է ավտոմեքենան, դատեք ինքներդ։

2,5-լիտրանոց շարժիչի ձիաուժերի քանակը փոքր-ինչ «խեղճացնում» էր ավտոմեքենայի ընթացքը արտաճանապարհային հատվածներում, բայց մնացած իրավիճակներում այն լիովին բավարար է։ Եթե Koleos-ը համեմատենք Renault-ի մյուս քրոսովերների, օրինակ, Duster-ի հետ, ապա վերջինս իսկական ամենագնաց է, որը համարձակորեն կարելի է վարել բավականին ծանր պայմաններում։

Նշենք, որ այս մոդելը արտադրվելու է Հարավային Կորեայում, ինչը նույնպես, մեր կարծիքով, որակի վրա ազդեցություն կթողնի։ Ղազախստանի բնությունը որոշ տեղերում հիշեցնում էր Հայաստանը. քարքարոտ ճանապարհներ, ալպյան բարձունքներ, փոշոտ անտեսանելի ուղղություններ՝ այս բոլոր տեղերով մենք Koleos-ի հետ միասին եւ վստահ անցել ենք։

Բայց, իհարկե, չմոռանանք, որ սա ավելի շուտ քաղաքի «բնակիչ» է:)։

 

 #RenultKaptur  - Յուրահատկություններ

  • Լիաքարշակ քրոսովեր,
  • Ինտելեկտուալ 4x4 լիաքարշակ համակարգ,
  • Թափքի 360 աստիճանի պաշտպանություն,
  • Մեծ լուսածերպ՝ 205 մմ,
  • Բեռնախցիկի տարողությունը՝ 387 լիտր,
  • Շարժիչի հզորությունը՝ 143 ձիաուժ,
  • MediaNav 2.2 մուլտիմեդիա համակարգ,
  • Հասանելի է 2 տեսակի բենզինային շարժիչ՝ 1․6 (114 ձիաուժ), 2․0 (143 ձիաուժ), թեստավորման ընթացքում մեզ բաժին էր ընկել 2 լիտրանոց տարբերակը
  • Լիովին դիոդային լուսարձակներ,
  • Նոր ադապտիվ ավտոմատ փոխանցման տուփ CVT X-Tronic,
  • Արտադրվում է Ռուսաստանում,
  • Հայաստանում վաճառվում է Megna ընկերությունում:

Լիաքարշակ քրոսովեր

Ինտելեկտուալ 4x4 լիաքարշակ համակարգ

Շարժիչի հզորությունը՝ 143 ձիաուժ

Հասանելի է 2 տեսակի բենզինային շարժիչ՝ 1․6 (114 ձիաուժ), 2․0 (143 ձիաուժ), թեստավորման ընթացքում մեզ բաժին էր ընկել 2 լիտրանոց տարբերակը

Նոր ադապտիվ ավտոմատ փոխանցման տուփ CVT X-Tronic,

Բեռնախցիկի տարողությունը՝ 387 լիտր,

Արտադրվում է Ռուսաստանում,

Ինտելեկտուալ 4x4 լիաքարշակ համակարգ,

Ինտելեկտուալ 4x4 լիաքարշակ համակարգ,

Ինտելեկտուալ 4x4 լիաքարշակ համակարգ,

Ինտելեկտուալ 4x4 լիաքարշակ համակարգ,

Ինտելեկտուալ 4x4 լիաքարշակ համակարգ,

Ինտելեկտուալ 4x4 լիաքարշակ համակարգ,

Այն ավելի շատ է համապատասխանում ինձ. ես մեծ ընտանիք չունեմ, հաճախ եմ ճանապարհորդում քաղաքից դուրս՝ Դիլիջան, Ենոքավան, Պարզ լիճ, Արցախ, իսկ քաղաքային պայմաններում հանգիստ կարելի է երեկոյան գնալ որեւէ միջոցառման՝ հագնելով ավելի պաշտոնական հագուստ

Երկրորդ ավտոմեքենան, որը մեզ տրամադրեցին թեստավորման համար, արդեն ծանոթ էր. հայաստանյան պրեմիերայի ժամանակ մենք գրել էինք դրա մասին:

Kaptur-ն արդեն վաճառվում է Հայաստանում․ համոզված եմ, շատերը Երեւանի  փողոցներում արդեն տեսել են այս ավտոմեքենան:

Շատ գեղեցիկ ու սլացիկ դիզայն ունի եւ քաղաքում միանգամից աչքի է ընկնում։ Եթե անկեղծ լինեմ, ապա այս 3 մոդելներից ես կնախընտրեի հենց Kaptur-ը: Բացատրեմ՝ ինչու. հիմքը նույն Duster-ինն է, որ նշանակում է բավականին լավ արտաճանապարհային հնարավորություններ, դիզայնը Renault-ի նոր դիզայնային գծի ոճի մեջ է։

Այն ավելի շատ է համապատասխանում ինձ. ես մեծ ընտանիք չունեմ, հաճախ եմ ճանապարհորդում քաղաքից դուրս՝ Դիլիջան, Ենոքավան, Պարզ լիճ, Արցախ, իսկ քաղաքային պայմաններում հանգիստ կարելի է երեկոյան գնալ որեւէ միջոցառման՝ հագնելով ավելի պաշտոնական հագուստ։

6 աստիճան մեխանիկական կամ 4 աստիճան ավտոմատ փոխանցման տուփերի միջեւ ես կնախընտրեի ավտոմատը՝ եւ՛ քաղաքում է հարմար վարել, եւ՛ քաղաքից դուրս իրեն շատ լավ է դրսեւորում։

Kaptur-ը փորձարկեցինք ալպյան բարձրության վրա գտնվող ճանապարհներին, որտեղ կային եւ՛ քարքարոտ դժվարանցանելի հատվածներ, եւ՛ խոտածածկ ճանապարհ: Ճանապարհային լուսածերպը 205 միլիմետր է, ինչն ամենաբարձրն է այս դասում։ 4 քարշակով համակարգը վստահորեն հաղթահարեց այն բոլոր արգելքները, որոնք մեզ հանդիպեցին։

Կախված ճանապարհի բարդությունից, կարելի է օգտագործել 4x4 անիվային սխեման, որն ունի աշխատանքային երեք ռեժիմ՝

  • 2WD՝ աշխատում են միայն առջեւի անիվները, երբ վարում ես քաղաքում,
  • Auto ռեժիմը, որը կախված ճանապարհից՝ ինքն է որոշում, որ անիվների վրա բաշխի պտտեցնող պահը,
  • եւ 4WD, երբ պտտեցնող պահը հավասարաչափ է բաշխվում, ինչը թույլ է տալիս հաղթահարել բավականին բարդ բարձունքներ, դժվարանցանելի ճանապարհներ։

Մենք գրեթե ամբողջ ընացքում վարում էինք Auto ռեժիմով, ինչը լիովին բավարար էր ճանապարհներին վստահ զգալու համար։

Իմ կարծիքով, Kaptur-ն այս պահին Renault-ի ամենահավասարակշռված քրոսովերն է։

 

 #RenaultDuster - Յուրահատկություններ

  • Լիարժեք ամենագնաց,
  • Փոխանցման տուփի հատուկ կարգավորումներ,
  • Ինտելեկտուալ 4x4 լիաքարշակ համակարգ,
  • Մեծ լուսածերպ՝ 205-210 մմ
  • Հասանելի է 3 տեսակի շարժիչ՝ բենզինային 1․6 (114 ձիաուժ), 2․0 (143 ձիաուժ) եւ տուրբոդիզել 1․5 dCi (109 ձիաուժ),
  • MediaNav 2.2 մուլտիմեդիա համակարգ,
  • Բեռնախցիկի տարողությունը՝ 475 լիտր,
  • Արտադրվում է Ռուսաստանում,
  • Հայաստանում վաճառվում է Megna ընկերությունում:

Լիարժեք ամենագնաց

Մեծ լուսածերպ՝ 205-210 մմ

Ինտելեկտուալ 4x4 լիաքարշակ համակարգ,

Հասանելի է 3 տեսակի շարժիչ՝ բենզինային 1․6 (114 ձիաուժ), 2․0 (143 ձիաուժ) եւ տուրբոդիզել 1․5 dCi (109 ձիաուժ),

Արտադրվում է Ռուսաստանում,

MediaNav 2.2 մուլտիմեդիա համակարգ,

Հայաստանում վաճառվում է Megna ընկերությունում:

Duster մոդելին ես ծանոթացել էի շատ թռուցիկ, երբ այս մոդելը ներկայացվեց Հայաստանում 5 տարի առաջ։ Այդ ժամանակ մեզ հաջողվեց վարել այն միայն քաղաքում ու վիզուալ ծանոթանալ դրան: Քաղաքում Duster վարելիս չես կարող պատկերացնել դրա իսկական հնարավորությունները, իսկ Ղազախստանում հաջողվեց լիովին պատկերացնել, թե ինչի է ընդունակ այս ավտոմեքենան։

Duster-ը շուկայում է արդեն ավելի քան 5 տարի եւ հասցրել է կազմավորել իր երկրպագուների բանակը: Այդ մարդիկ ամենագնաց ավտոմեքենաների իսկական սիրահարներն են, որոնք պատրաստ չեն մեծ գումար ծախսել, բայց ցանկանում են ունենալ լիարժեք եւ հարմարավետ ամենագնաց։

Չեմ ուզում Duster-ը քրոսովեր անվանել, այն, իհարկե, ամենագնաց է եւ նույնիսկ իր դիզայնով ավելի շատ հիշեցնում է բանվորի, քան գրասենյակային աշխատակցի։

Duster-ով բոլոր բարդությունները, խոչընդոտները, տարբեր դժվարանցանելի տեղերը ավելի վստահ ես հաղթահարում, քան Kaptur-ով կամ Koleos-ով՝ համոզված լինելով, որ ավտոմեքենան միանշանակ կկարողանա լուծել իր առջեւ դրված խնդիրները եւ ամենակարեւոր պահին չի նահանջի։

 

 

Տեխնիկական տվյալները թույլ են տալիս վստահ զգալ նույնիսկ առաջին հայացքից անանցանելի ճանապարհներին: Մի անգամ ինձ վիճակվել է Ջերմուկի մոտակայքում հանդիպել իրավիճակի, որը մենք հաղթահարեցինք Toyota Land Crouserի-ի օգնությամբ, եւ Duster-ը վարելիս ես պատկերացրեցի, որ այն նույնպես կհաղթահարեր այդ բարդ ու քարքարոտ ճանապարհը։

Ասում են՝ նոր սերնդի Duster-ի դիզայնը ավելի մոտ է լինելու Renault կոնցեռնի նոր դիզայնին: Եթե այն պահպանի նույն հատկությունները եւ ունենա ավելի համակրելի դիզայն, ապա, միանշանակ, Duster-ի երկրպագուների քանակը կտուկ աճ կունենա: Սակայն միայն այն դեպքում, եթե քրոսովերի գինը կլինի այն նույն սահմաններում, ինչ հիմա է։

Ամփոփելով՝ կարելի է ասել, որ Koleos-ը Renault-ի նոր ֆլագմանն է, Kaptur-ը՝ ամենաոճայինը, իսկ Duster-ին կարելի անվանել վստահելի ամենագնաց:

Renault-ն վերջերս միշտ հաճելի անակնկալներ է մատուցում: Սպասենք հաջորդին:)։

Կարեն Անտոնյան, Auto.am

Լուսանկարները` Auto.am, Renault