Կայացավ Renault Arkana մոդելի պաշտոնական շնորհանդեսը
- chat Հաղորդագրություններ
- Դիլերներ
- Դառնալ ավտոդիլեր
- Գովազդ կայքում
- Օգտագործման կանոնները
- Օգնություն
- Կապ
- Հայերեն Русский English
Բրիտանական աշխարհահռչակ Land Rover ապրանքանշանի պաշտոնական ներկայացուցիչ «Ֆորա Պրեմիում» ընկերությունն առաջին անգամ Հայաստանում ներկայացնում է 2018 մոդելային տարվա Range Rover ամենագնացը: Ընկերությունում հույս ունեն, որ վաղուց արդեն շուկայում իր դիրքը գրաված շքեղագույն ավտոմեքենայի նոր տարբերակը կխթանի ընթացիկ վաճառքները եւ կնպաստի մակնիշի դիրքերի ամրապնդմանը:
Նոր Range Rover-ը այս ընտանիքի արժանի ներկայացուցիչն է, որը բոլորովին նոր մակարդակի է հասցնում դիզայնն ու հարմարավետությունը: Այս ամենի համար պետք է եղել ոչ թե ձեւափոխել ավտոմեքենան, այլ դարձնել այն ավելի լավը:
Այս հարցում ընկերությունն ընտրել է ժամանակակից տեխնոլոգիաների կիրառման ճանապարհը՝ առաջին անգամ պատմության մեջ առաջարկելով հիբրիդային լիցքավորվող (Plug-in Hybrid) տարբերակը: PHEV P400e համալրումը լիցքավորվում է կենցաղային էլեկտրական ցանցից եւ աչքի է ընկնում բնապահպանական բարձր հատկություններով: Այն միավորում է 2,0 լիտր ծավալով եւ 300 ձիաուժ հզորությամբ առաջադեմ Si4 բենզինային շարժիչը եւ գերարտադրողական 85 կՎտ հզորությամբ էլեկտրական շարժիչը, որոնք միասին զարգացնում են 640 Նմ ոլորող մոմենտ եւ 404 ձ.ուժ հզորություն: Ընդ որում, էլեկտրական ագրեգատը կարող է աշխատել թե բենզինայինի հետ համատեղ, թե ինքնուրույն, եթե վարորդը անցնի էլեկտրական քարշակման ռեժիմին (EV): 13 կՎտժ տարողունակությամբ մարտկոցը ամբողջությամբ լիցքավորելու դեպքում թույլ կտա ավտոմեքենային հաղթահարել մինչեւ 51 կմ* տարածություն:
Նոր Range Rover-ը հագեցած է բազում նորարարական տեխնոլոգիաներով, ներառյալ էլեկտրոնային կառավարմամբ պնեւմատիկ կախոցը, երկաստիճան բաշխիչ տուփը, ճանապարհային պայմյաններին ադապտացման Terrain Response եւ Terrain Response 2 համկարագերը (կախված համալրումից), դինամիկ կայունացման Dynamic Response համակարգը եւ այլն: Յուրաքանչյուր Range Rover սարքավորված է InControl Touch Pro Duo տեղեկատվական ժամանցային համակարգով, որն ապահովում է անհրաժեշտ տեղեկությունների եւ մուլտիմեդիա տվյալների հասանելիությունը:
Նոր Range Rover-ի առավել շքեղ համալրումն է SVAutobigraphy Dynamic-ը, որը առանձնանում է ամենաբարձրակարգ բնութագրերով, այդ թվում կախոցի, ղեկային կառավարման եւ արտանետման համակարգի հատուկ կարգավորումներով: Այս մոդելը 8մմ-ով ավելի ցածր է, քան բազային տարբերակը, իսկ դրա արտահայտիչ ագրեսիվ կեցվածքը ընդգծում է ուժի եւ դինամիկայի զգացողությունը: Graphite Atlas անվանումը ստացած եզակի լրամշակմամբ տարրերը, Land Rover-ի ֆիրմային կարմիր արգելակային ենթակիրներն ու էքսկլյուզիվ անվասկավառակները ձեւավորում են այս ավտոմեքենայի անմոռանալի կերպարը: Special Vehicle Operations ստորաբաժանման գործադիր տնօրեն՝ Ջոն Էդվարդսը նշում է. «Range Rover SVAutobiography Dynamic մոդելի տպավորիչ արտաքին տեսքը ենթակա չէ ժամանակի ազդեցությանը: Հզոր V8 շարժիչն ապահովում է ընթացային բնութագրերի եւ մանեւրականության համապատասխանությունը դինամիկ արտաքինին»:
Նոր Range Rover-ը հասանելի կլինի Հայաստանում 2018թ. մարտի 15-ից՝ Land Rover ընկերության պաշտոնական ներկայացուցիչ «Ֆորա Պրեմիում» ավտոսրահում:
