Renault-ի քրոսովերները՝ սառցապատ Լադոգա լճի վրա

remove_red_eye9716

Այս անգամ ուղեւորվեցինք բավականին հեռու՝ Կարելիա, գրեթե հասանք Ֆինլանդիայի սահմանին: Ցուրտ ձմեռ, – 20 աստիճան, սառցապատ Լադոգա լիճ, գեղեցիկ բնություն: Renault-ի թիմը մեզ պետք է ցույց տար Koleos, Kaptur եւ Duster քրոսովերների ամենագնացային հնարավորությունները ձմեռային էքստրեմալ պայմաններում։

Լադոգա լիճը ռուսական ԱԳՆ-ի մասնագետների հսկողության ներքո վերածվել էլ հսկայական ավտոդրոմի, որտեղ էլ մի քանի երկրներից հրավիրված լրագրողները պետք է փորձարկեին քրոսովերներ վարելու իրենց հմտությունները ձմեռային էքստրեմալ պայմաններում։

Նախատեսված էին տարբեր վարժություններ. վարում սառույցի վրա, վարում ձնապատ ճանապարհներին, ֆիգուրային վարում սառույցի վրա, իսկ ավտոմեքենաների վրա տեղադրված էին Dunlop Grandtrek Ice02 եւ Master Sport KX46 շիպային անվադողեր։

Ինչպես նշեցինք, թեստ-դրայվին մասնակցեցին մեզ բոլորիս լավ հայտնի Duster եւ Kaptur մոդելները, իսկ Koleos մոդելը նույնպես շուտով կներկայացվի նաեւ Հայաստանում։

Բոլոր ավտոմեքենաները լիաքարշակ էին։ Վարժությունները սկսեցինք սառցե դաշտում՝ վերադասավորում, վարում, օղակների շուրջ օձատիպ վարում։

Duster-ով սառույցի վրա Dunlop Grandtrek Ice02 անվադողերով դժվար չէր մտնել կտրուկ շրջադարձեր, առավելեւս, որ վարորդի կողքին նստած էին փորձառու հրահանգիչներ։

Duster-ի հետ նույն հարթակի վրա կառուցված Renault Kaptur-ը իր կոմպակտության պատճառով փոքր-ինչ կայուն չէր։ Բացի այդ, Kaptur-ի վրա չկային Duster-ի շիպավորված անվադողերը։

 Այնպիսի տպավորություն էր, թե ավտոմեքենաները գեղասահքով են զբաղվում։

Պետք է խոստովանել, որ ավտոմեքենաները շատ հաստատուն էին իրենց պահում սառույցի վրա, զգացողություն, որ դու վարում ես համեմատաբար էժան քրոսովերներ չկար. այդպես հուսալիորեն էքստրեմալ պայմաններում իրենց պահում են շատ ու շատ ավելի թանկարժեք ավտոմեքենաներ, որտեղ առկա են օժանդակող համակարգներ։

Երկրորդ օրն արդեն նույն վարժությունները կատարում էինք ժամանակի վրա, ինչն իհարկե ավելացնում էր ադրենալինը՝ առօրյայում նման կերպ երբեք չես վարի, իսկ հիմա վարժությունը պետք է հնարավորինս արագ եւ ճիշտ կատարվեր։

Renault-ի թիմը պատրաստել էր եւս մեկ ակակնկալ. ձնապատ խորը մի փորձադաշտ, որտեղ պետք էր զգուշությամբ փայտերի վրայով անցնել, խորը ջրանցքների վրայով եւ ձնային մաքուր դաշտերով։

Ամենադժվարը ցիլինա դաշտն էր: Իհարկե, նման ձյունառատ ձմեռներ Հայատանում շատ հազվադեպ են լինում, որպեսզի թեստավորել ավոտեքենաները ռեալ կյանքում, բայց եթե հայտնվեք նման իրավիճակում Հայատանում, ապա հեշտությամբ կարելի է հաղթահարել ցանկացած ձնառատ տեղանք՝ Renault Duster-ին փոքր-ինչ օգնելով համապատասխան սարքավորումներով:

Ցավոք, Renault-ն չի նախատեսում նման սպորտային դպրոցներ գնորդների համար, իհարկե Renault Winter Driving School առաջրկում է բավականին էքտրեմալ իրավիճակներ, որոնցում Duster-ի ու Kaptur-ի սեփականատերերը դժվար թե հայտնվեն։

Բայց ամեն դեպքում, տեսնելով թե ինչի են ընդունակ ավտոմեքենաները, գնորդներն ավելի կսիրեն այս ավտոմեքենաները։