b x a .

«Տոյոտա Երևան»-ում մեկնարկել են նոր Toyota RAV4-ի վաճառքները

remove_red_eye17291

Տոյոտա ընկերության Հայաստանյան պաշտոնական ներկայացուցչությունը՝ «Տոյոտա Երևան» ՍՊԸ-ն, հայտարարում է նոր սերնդի Toyota RAV4 մոդելի հայաստանյան վաճառքի մեկնարկի մասին:

Այս պահին նոր 5-րդ սերնդի Toyota RAV4-ի մեր հայաստանյան մոդելի առանձնահատկություններից է՝ 2,0 լիտր աշխատանքային ծավալով M20A-FKS բենզինային շարժիչը, որը զարգացնում է 173 ձիաուժ հզորություն: Մեր երկրում ներկայացված բոլոր տարբերակները սարքավորված են նոր սերնդի վարիատորային փոխանցումատուփով:

Toyota RAV4-ի հայաստանյան տարբերակն առանձնանում է բազային բարձր հագեցվածությամբ: Այսպես, բոլոր տարբերակների համար հասանելի են հակամառախուղային լուսարձակներ, ռուսալեզու բորտհամակարգիչ՝ 4.2 կամ 7 դյույմանոց բազմաֆունկցիոնալ էկրանով, մոնիտոր՝ հետընթացի համար նախատեսված տեսախցիկով, ավտոմատ կլիմատ-կոնտրոլ, առջևի նստելատեղերի տաքացում, 17 կամ 18 դյույմանոց թեթևաձույլ անվասկավառակներ, 6 բարձրախոս:

Հայաստանում առաջարկվող Toyota RAV4 մոդելի բոլոր տարբերակները սարքավորված են պասիվ և ակտիվ անվտանգության մի շարք համակարգերով, որոնց թվում են VSC, HAC և EBD արգելակման համակարգերը, ավտոմատ ձեռքի արգելակման համակարգը և 8 անվտանգության բարձիկները,  դե իսկ ամենահագեցած տարբերակներում առկա է նաև TSS (Toyota Safety Sense) համակարգը, որը հետևում է ճանապարհային նշաններին և գծանշումներին, արգելակում է, երբ առջևից ընթացող մեքենան կատարում է կտրուկ և վթարային կանգառ, ավտոմատ թուլացնում կամ ուժեղացնում է մեքենայի լույսերը՝ դիմացից եկող մեքենայի վարորդին չխանգարելու նպատակով: