Renault-ի պաշտոնական ներկայացուցիչ «Մեգնա» ընկերությունը հայաստանյան շուկա է հանում լիովին նոր LOGAN STEPWAY եւ SANDERO STEPWAY մոդելները, որոնք կոչված են հարստացնել ֆրանսիական արտադրողի մոդելային շարքը: Նոր քաղաքային մոդելները առանձնանում են ճանաչելի ֆիրմային դիզայնով, ավելի բարձր լուսածերպով եւ ժամանակակից կյանքում անհրաժեշտ հարուստ համալրմամբ: 

Նոր LOGAN Stepway-ի դիզայնը արտացոլում է դրա դինամիկ խառնվածքը: Առջեւի  եւ հետեւի թափարգելների պաշտպանիչ վերդիրները, ինչպես նաեւ անվակամարների ընդլայնիչները թույլ են տալիս գրեթե ամբողջովին պաշտպանել նոր LOGAN Stepway-ի թափքը անցանկալի հետեւանքներից: Իսկ 195 մմ բարձրությամբ լուսածերպը, կատարելագործված կախոցը եւ շարժիչի կարտերի մետաղական պաշտպանիչ վահանակը կօգնեն վստահորեն հաղթահարել նույնիսկ ոչ շատ բարդ արտաճանապարհային տեղանքները: Ավտոմեքենայի տպավորիչ արտաքինը ընդգծում են նաեւ լուսադիոդային ընթացային կրակները եւ 16-դյույմանոց էլեգանտ անվասկավառակները: Իսկ 510 լ ծավալով բեռնախցիկը թույլ կտա ճանապարհ ընկնել բոլոր անհրաժեշտ իրերով:

Sandero Stepway-ը դարձել է էլ ավելի ժամանակակից եւ համարձակ: Ավտոմեքենայի առաջնամասի նորացված դիզայնը, էլ ավելի արտահայտված ռադիատորի քրոմապատ վանդակաճաղը, թափքի 360o համապարփակ պաշտպանվածությունը եւ Renault-ի նոր ֆիրմային ոճով իրականացված լուսարձկաները անտարբեր չեն թողնի պրակտիկ եւ միեւնույն ժամանակ մատչելի ավտոմեքենաների սիրահարներին: Այս ամենով հանդերձ Sandero Stepway-ը պահպանել է բարձր լուսածերպը, տանիքի ռեյլինգները եւ ավելի մեծ տարողունակությամբ մարտկոցը:

Հայաստանյան շուկայում իրենց բնույթով եզակի Նոր Logan Stepway եւ Sandero Stepway ավտոմեքենաները հասանելի են «Մեգնա» ընկերության սրահում: Logan STEPWAY ավտոմեքենայի արժեքը սկսում է 5.700.000 ՀՀ դրամից կախված համալրվածությունից, իսկ նոր Sandero STEPWAY ավտոմեքենայի արժեքը սկսած 5.900.000 դրամից: Ընկերությունը համագործակցում է լավագույն հայաստանյան բանկերի հետ եւ Ձեզ է առաջարկում ամենահասանելի բանկային պայմանները շուկայում: Մանրամասն տեղեկությունների համար կարող եք այցելել կոմիտաս 47 Ռենո ավտոսրահ կամ զանգահարել 010247599 հեռախոսահամարին: