Բոլորովին նոր Range Rover EVOQUE-ը մուտք է գործում հայաստանյան շուկա

Jaguar եւ Land Rover ապրանքանշանների պաշտոնական ներկայացուցիչ՝ «Ֆորա Պրեմիում» ընկերությունը առաջին անգամ Հայաստանում ներկայացնում է նոր սերնդի Range Rover EVOQUE ամենագնացը: Շնորհանդեսի ընթացքում հյուրերը հնարավորություն կունենան ծանոթանալու 2019 թ. ներկայացված նոր EVOQUE-ին, վայելել հաճելի մթնոլորտը, որն  էլ ավելի գրավիչ կդարձնեն «ԱրմՔոմեդի» նախագծի ռեզիդենտներ Սերգեյ Սարգսյանն ու Նարեկ Մարգարյանը:

Լիովին նոր Range Rover EVOQUE-ը կոչված է եւս մեկ անգամ հաստատել բրիտանական ապրանքանշանի առավել սիրված մոդելներից մեկի համբավը, որի վաճառքները 7 տարիների ընթացքում միայն Եվրոպայում կազմել են շուրջ 380 000 օրինակ:

Ավտոմեքենան ստացել է գերժամանակակից դիզայն, որն ընդգծվում է առջեւի  մատրիցային լուսադիոդային լուսարձակների եւ թափքի միջնամասի արտահայտիչ գծի միջոցով: Range Rover EVOQUE-ի տպավորիչ եւ դինամիկ ուրվագծի գաղտնիքը նրա կատարյալ համամասնություններն են, որոնք շեշտում են այս ավտոմեքենայի օրիգինալ ոճը:

Նոր սերնդի Range Rover EVOQUE-ի գլխավոր առանձնահատկություններից է առաջին անգամ մոդելի համար առաջարկվող MHEV, կամ փափուկ հիբրիդային տեխնոլոգիան: Այն կուտակում եւ պահպանում է արգելակման ժամանակ առաջացող էներգիան եւ հետագայում կիրառում այն՝ շարժիչի արդյունավետությունն ապահովելու  ու վառելիքի ծախսը զգալիորեն կրճատելու համար:

Ինչպես եւ JLR ընկերության թողարկած բոլոր ամենագնացները, նոր EVOQUE-ը հագեցած է բազում տեխնոլոգիաներով, որոնք նպաստում են արտադրողականության եւ հարմարավետության աճին: Հիշատակման են արժանի նոր 9-աստիճան ավտոմատ փոխանցումատուփը, կայունության դինամիկ վերահսկման համակարգը (DSC), զառիվայր եւ զառիվեր շարժմանն օժանդակող HDC եւ GRC համակարգերը, ճանապարհային պայմաններին ադապտացման Terrain Response 2 համակարգը եւ անվտանգության մի շարք առաջադեմ լուծումներ:

Հայաստանում Jaguar եւ Land Rover ապրանքանշանների պաշտոնական ներկայացուցիչ «Ֆորա Պրեմիում» ընկերությունում վստահ են, որ նոր Range Rover EVOQUE-ն արժանապատվորեն կփոխարինի իր նախորդ սերնդին՝ դառնալով վաճառքների առաջատարը՝ գին-որակ-հագեցվածություն կատարյալ համադրության շնորհիվ:

Նոր մոդելի և նրա վաճառքներին առնչվող լրացուցիչ տեղեկությունների համար կարող եք դիմել «Ֆորա
Պրեմիում» ընկերություն, Երևան, Աճառյան 42, հեռ.՝ 010 61 70 00:

Facebook Odnoklassniki

11096 դիտում