b x a .

Renault Arkana-ն մուտք կգործի Հայաստան

remove_red_eye1965

Renault-ի պաշտոնական ներկայացուցիչ «Մեգնա» ընկերությունը հայաստանյան շուկա է հանում  ARKANA մոդելը, որը բոլորովին նոր խոսք է թե մակնիշի, թե հայաստանյան շուկայի համար: Լիովին նոր գաղափարախոսությամբ այս քաղաքային քրոսովերը հատուկ նախագծվել է տարածաշրջանային շուկայի համար, և Հայաստանը առաջին երկներից է, որտեղ ARKANA-ն հասանելի կլինի սպառողների լայն շրջանակին:

Ավտոմեքենան կոչված է դառնալ ֆրասնիական ընկերության մոդելային շարքի առաջատարը՝ մարմնավարելով ժաանակակից ռիթմով ապրող մարդու կարիքներն ու պահանջները բավարարող բոլոր առաջադեմ տեխնոլոգիաները:

Այս կուպե-քրոսովերի նորարարական կոնցեպցիան համատեղում է արտահայտիչ դիզայնը, հզորությունն ու ֆրանսիական նրբագեղությունը, ինչը հանդիսանում է Renault ապրանքանշանին առավել բնորոշ գծերից մեկը: Վառ դիզայնը, որն ընդգծվում է թափքի արտահայտիչ գծերով, և տանիքի դեպի ցած սլացող ուրվագիծը դինամիկ և էլեգանտ են դարձնում նոր կուպե-քրոսովերի կերպարը:

Ժամանակակից ավտոմոբիլային տեխնոլոգիաները լայնորեն կիրառված են նաև ARKANA-ի սրահում: Ինտերիերի դիզայներները հատուկ ուշադրություն են դարձրել էրգոնոմիկային: Ավտոմեքենայի առավել հաճախ օգտագործվող ֆունկցիաների համար կենտրոնական բարձակի վրա նախատեսված է հարմարավետ պանել՝ ինտուիտիվ հասկանալի կառավարմամբ: Ինտերիերի նրբաճաշակությունը ընդգծում են կաշեպատ նստատեղերը՝ դեկորատիվ դարձակարերով:

Առանձնակի ուշադրություն է դարձվել նաև անվտանգությանը: Բացի ակտիվ անվտանգության ավանդական համակարգերից (ABS, ESP, Hill Start Assist) նոր Renault ARKANA-ն առաջարկում է վարորդին օժանդակող մի շարք համակարգեր, որոնք հեշտությամբ կառավարվում են EASY LINK մուլտիմեդիա համակարգի էկրանից: Կախված համալրումից՝ հաճախորդներին հասանելի են արագության սահմաափակիչով քրուիզ-կոնտրոլը, անվադողերում ճնշման վերահսկման համակարգը, շրջանածիր տեսադաշտի տեսախցիկները, ինչպես նաև կույր գոտիների մոնիթորինգի համակարգը, որը կողային հայելիների LED-ազդանշանների օգնությամբ նախազգուշացնում է մոտեցող ավտոմեքենայի մասին:

Նշելով ավտոմեքենայի մուտքը Հայաստան՝ «Մեգնա» ընկերությունը կազմակերպում է Renault ARKANA քրոսովերի շնորհանդես, որը կկայանա 2019 թ., հոկտեմբերի 3-ին, ժամը 19:00-ին «Dvin Music Hall» սրահում: Միջոցառման ընթացքում հյուրերը, այդ թվում ԶԼՄ ներկայացուցիչները, հնարավորություն կունենան անմիջապես ծանոթանալ ավտոմեքենային և ուղղել իրենց հարցերը Renault-ի տարածաշրջանային գրասենյակի ղեկավարությանը: Ժամանցային ծրագիրը իր ելույթներով կհարստացնի հանրահայտ երգչուհի Մարբեյը, իսկ հավաքավածները նաև հնարավորություն կունենան մասնակցել Make-up վարպետ «Նատալի Տոնոյանի» դիմահարդարման վարպետության լայնածավալ դասընթացին:

Մանրամասների համար՝ «Մեգնա» ՍՊԸ, Կոմիտաս 47, հեռ.՝ 28 21 03