Mercedes-ը ցուցադրեց SLR McLaren 722 S սուպերավտոմեքենայի բաց տարբերակը

Հաջորդ տարվա հունվարի սկզբին Mercedes-Benz ընկերությունը կսկսի պատվերներ ընդունել SLR McLaren 722 S սուպերավտոմեքենայի բաց տարբերակի համար, որի առաջին պաշտոնական լուսանկարները երկուշաբթի օրը ներկայացվեցին գերմանական ընկերության կողմից: Ինչպես հաղորդում է Worldcarfans կայքը, այդ ավտոմեքենայի համաշխարհային պրեմիերան տեղի կունենա երկու օր անց` Փարիզի միջազգային ավտոսրահում:

Նորույթը կունենա 5,5 լիտրանոց ութ մխոցանի շարժիչ: 5 աստիճան ավտոմատ փոխանցման տուփի հետ համատեղ աշխատող շարժիչի հզորությունը կազմում է 650 ձիաուժ, իսկ առավելագույն պտտեցնող պահը հավասար է 820Нм. Նման ուժային հատկանիշներով սուպերավտոմեքենան կարող է 100 կմ արագություն զարգացնել 3,7 վայրկյանում, իսկ 200 կմ` 10,6 վայրկյանում: Առավելագույն արագությունը կազմում է ժամում 335 կիլոմետր:

Բաց Mercedes SLR McLaren 722 S կթողարկվի սահմանափակ խմբաքանակով` 150 մեքենա: Ավտոմեքենային գնի մասին տվյալ պահին տեղեկություններ չեն հաղորդվում:

Facebook Odnoklassniki

3051 դիտում