b x a .

Երեւանի քաղաքապետարանը մտադիր է Ուկրաինայից ավտոբուսներ ներկրել

remove_red_eye6524
Երեւան: Մեդիամաքս: Ուկրաինական արտադրության միջին տեղատարողության ավտոբուսների ներկրման հնարավորություններն են քննարկել այսօր Երեւանի քաղաքապետ Կարեն Կարապետյանը եւ «Ուկրավտո» կորպորացիայի գլխավոր տնօրենի տեղակալ Անդրեյ Շպակը:

Ինչպես Մեդիամաքս-ին տեղեկացրել են Երեւանի քաղաքապետարանի մամուլի ծառայությունից, ներկայացնելով մայրաքաղաքի տրանսպորտային քաղաքականությունը, քաղաքապետը նշել է , որ այժմ մշակվում է տրանսպորտային նոր հայեցակարգ, համաձայն որի ոլորտում առաջնությունը տրվելու է միջին եւ մեծ տեղատարողության ավտոբուսներին: Այս առումով Կարեն Կարապետյանը  հատկանշել է, որ նաեւ չինական արտադրության ավտոբուսների ներկրման պայմանավորվածություն է ձեռք բերվել, եւ քաղաքապետարանը ուկրաինական ընկերության հետ եւս պատրաստ է փոխշահավետ գործըներություն քննարկել:

Ուկրաինական պատվիրակության ղեկավար Անդրեյ Շպակը, վկայակոչելով  նախորդ տարիների աշխատանքային համագործակցությունը հայաստանյան շուկայի հետ, նշել է, որ ուկրաինական ավտոբուսները շուկայում մրցունակ են, մեծ պահանջարկ ունեն, եւ իրենց ընկերությունը պատրաստ է ապահովել Երեւանի քաղաքապետարանի կողմից ներկայացված չափորոշիչները եւ քննարկել պայմանները: 

Կողմերը նախնական պայմանավորվել են ավտոբուսների ձեռք բերումն իրականացնել ֆինանսական ինստիտուտների միջոցով` երկարաժամկետ ու ճկուն մարման գրաֆիկով: 
ՄԵԴԻԱՄԱՔՍ