b x a .

Մեդիամաքս ինտերնետ հոլդինգը եւ վրացական  Վրաստանի MyAuto  ավտոշուկան համագործակցության պայմանագիր են կնքել, համաձայն որի Auto.am կայքում կտեղադրվեն Վրաստանի Ռուսթավի քաղաքում գործող MyAuto ավտոշուկայի ավտոդիլերների առաջարկները:

Սեղմելով առաջին էջում տեղադրված Ավտոմեքենաներ Վրաստանից կոճակը, դուք կարող եք տեսնել MyAuto ավտոշուկայի թարմ առաջարկները: Ավտոդիլերի բոլոր  հայտարարություններին Auto.am-ի այցելուները կարող են ծանոթանալ նաեւ Ավտոդիլերներ բաժնում, որտեղ ներկայացված են նաեւ մեր վրացի գործընկերների տվյալները` http://www.auto.am/am/profile_details/seller/94898/:

MyAuto  ավտոշուկան  իր վրացի հաճախորդներին բացառիկ հնարավորություն է առաջարկում իրենց ավտոմեքենաները հայ գնորդներին Auto.am կայքի միջոցով ներկայացնելու համար: Auto.am կայքը հայկական ինտերնետի ամենահեղինակավոր ու ամենաշատ այցելվող ավտոմոբիլային կայքն է: Օրեկան այցելուների թիվը գերազանցվում է 23.000-ը, կայքում օրեկան տեղադրվում է վաճառքի 600-ից ավելի հայտարարություններ, յուրաքանչյուր այցելու դիտում է մոտ 17 էջ եւ կայքում  գտնվում է 15-17 րոպե: Կայքում տեղադրված է մոտ 10.000 ավտոմեքենաների վաճառքի հայտարարություն: 93% այցելուները Հայաստանից են եւ Արցախից:

Հաշվի առնելով, որ Վրաստանը կարեւոր տրանսպորտային եւ առեւտրային գործընկեր է մեր հանրապետության համար, մենք ակնկալում ենք, որ նոր ծառայությունը կայքում կօգնի մեր այցելուներին ավելի դյուրին դարձնել ավտոմեքենաների ձեռքբերումը:

MyAuto ավտոշուկան համապատասխանում է ժամանակակից չափանիշներին: Շուկայի տարածքում գործում է հյուրանոց, տրամադրվում են ամբողջական բանկային ծառայություններ: Տեղում կարելի է ձեւակերպել նաեւ արտահանման փաստաթղթերը: MyAuto ավտոշուկան տեղավորում է 2000 ավտոմեքենա: Այն գտնվում է Հայաստանի սահմանից 40 կմ հեռավորության վրա գտնվող Ռուսթավի քաղաքում: