b x a .

 

Էլէկտրամեքենաներ արտադրող Tesla ընկերության ԱՊՀ ներկայացուցչությունը հաղորդագրություն է տարածել, որի համաձայն 2016թ. ամռանը Հայաստանում կհիմնի նոր սերնդի մարտկոցների (Super Cհarger) հետազոտական արտադրամաս։

Ընկերության հիմնադիր Էլոն Մասկը 2015թ. աշնանը կայցելի Հայաստան՝  բանակցություններ վարելու նպատակով։

Հայաստանի ընտրությունը Էլոն Մասկը հիմնավորել է նրանով, որ մեր երկրում կան ՏՏ ոլորտի բարձրակարգ մասնագետներ: Բացի այդ, ՀՀ իշխանությունները լրջորեն մտադիր են համագործակցել Tesla-ի հետ:

Նշվում է, որ նախնական ներդրումները կարող են կազմել $2-3,5 մլն:

Բանակցությունների հաջող ընթացքի դեպքում Հայաստանի որոշ բնակավայրերում հնարավոր է տեղադրվեն նոր սերնդի Super Cհarger-ներ: Սկզբնական փուլում դրանք կթեստավորվեն բարձր լեռնային գոտիներում:

«Իհարկե, Հայաստանում դեռ ձեւավորված չէ այդ շուկան, սակայն մենք մտադիր ենք մեր նոր սերնդի մարտկոցները տեղադրել ՀՀ մի շարք բնակավայրերում, որտեղ տուրիստական հոսքն առավել ակտիվ է, օրինակ, Երեւանում, Էջմիածնում, Ծաղկաձորում, Ջերմուկում, Տաթևում»,- ասել է Էլոն Մասկը:

Tesla-ն հիմնվել է 2003թ.: Ընկերությունը է մասնագիտացած է էլեկտրական ավտոմեքենաների արտադրության վրա: Այն կոչվել է հանրահայտ էլեկտրոտեխնիկ եւ ֆիզիկոս Նիկոլա Տեսլայի անունով: Գերհզոր մարտկոցների արտադրությամբ սկսել է զբաղվել 2012-ից: 2015թ. փետրվարի 28-ի դրությամբ ամբողջ աշխարհում գործում է գերհզոր մարտկոցների արտադրությամբ զբաղվող 393 գործարան: