Հայտարարություններ

Հայտարարություններ

Հայտարարություններ բաժնում դուք կարող եք տեղադրել մինչև 10 տրանսպորտային միջոցի վաճառքի անվճար հայտարարություն։

Կարող եք նաև խմբագրել, ակտիվացնել կամ ապաակտիվացնել հայտարարությունները, երկարացնել դրանց տեղադրման ժամկետը կամ ջնջել, տեսնել դիտումների վիճակագրությունը և օգտվել Արագ վաճառք ծառայությունից։

Եթե դուք զբաղվում եք բիզնեսով և ձեզ անհրաժեշտ է տեղադրել 10-ից ավելի հայտարարություն, ապա խորհուրդ ենք տալիս գրանցվել որպես Դիլեր: Մանրամասն ծառայության մասին կարող եք իմանալ հետևելով այս հղմանը՝ Դառնալ ավտոդիլեր։

Վաճառքի հայտարարություն տեղադրելու համար անհրաժեշտ է գրանցվել կայքում։

Գրանցումից հետո մտեք Իմ էջի Իմ հայտարարություններ բաժնում ընտրեք Տեղադրել հայտարարություն կոճակը, կամ պարզապես սեղմեք Վաճառել կոճակը առաջին էջում: Կբացվի հայտարարության լրացման էջը։

- Կատեգորիա դաշտում ընտրեք տրանսպորտային միջոցի տեսակը,

- Լրացրեք բոլոր անհրաժեշտ դաշտերը, որոնք նշված են կարմիր * աստղանիշով,

- Գին դաշտում առաջինն ընտրեք այն արժույթի դաշտը, որով ցանկանում եք, որ երևա հայտարարությունը: Պարտադիր նշեք, մաքսազերծված է ավտոմեքենան, թե ոչ:

- Եթե ցանկանում եք առանձին հեռախոսահամար նշել տվյալ հայտարարության համար, ներմուծեք այն Լրացուցիչ հեռախոսահամար դաշտում և օգտատերերը զանգահարելիս կտեսնեն տվյալ հեռախոսահամարը։

- Այնուհետև ընտրեք լուսանկարները և ներբեռնեք։ Կարող եք տեղադրել մինչև 15 լուսանկար։

- Եթե համոզվել եք, որ բոլոր դաշտերն արդեն լրացված են, կարող եք ընտրել տեղադրման տարբերակը։ Կայքում հայտարարություն տեղադրելն անվճար է: Կարող եք սեղմել Տեղադրել հայտարարություն կոճակը և ձեր հայտարարությունը կհայտնվի կայքում։

Կայքում հայտարարություն տեղադրման ժամկետը 60 օր է։

Տեղադրումից 60 օր անց, եթե Դուք չեք ցանկանում երկարացնել տեղադրման ժամկետը, հայտարարությունը կհեռացվի կայքից։

Մինչ հեռացնելը Ձեզ կգա զգուշացնող նամակ, որ հայտարարության ժամկետը լրանում է։ Եթե ցանկանում եք երկարացնել տեղադրման ժամկետը, կարող եք Իմ հայտարարությունները բաժնում սեղմել Երկարացնել կոճակը, և Ձեր հայտարարության տեղադրման ժամկետը կերկարացվի 60 օրով։

- Եթե ցանկանում եք, որ Ձեր հայտարարությունը ավելի տեսանելի լինի, կարող եք օգտվել Արագ վաճառք վճարովի ծառայությունից։ Ընտրեք, որ տարբերակն եք նախընտրում, և սեղմեք Տեղադրել հայտարարությունը և վճարել կոճակը։

- Դուք կարող եք նաև պահպանել ձեր հայտարարությունը, բայց չհրապարակել: Հետագայում ցանկացած ժամանակ կարող եք Հատարարություններ բաժնում ակտիվացնել այն։

Ինչպե՞ս խմբագրել կամ հեռացնել հայտարարությունը

- Ձեր հայտարարությունները խմբագրելու կամ հեռացնելու համար անհրաժեշտ է Հայտարարություններ բաժնում ընտրել խմբագրման կամ հեռացման ենթակա հայտարարությունը և սեղմել գրիչի նշանով կապույտ կոճակը: Կբացվի հայտարարության էջը. կատարեք անհրաժեշտ փոփոխությունները և էջի ամենաներքևում սեղմեք Պահպանել կոճակը։

Ինչպե՞ս երկարացնել հայտարարությանը տեղադրման ժամկետը

- Եթե ցանկանում եք երկարացնել հայտարարության ժամկետը, ապա սեղմեք ժամացույցի նշանով կոճակը եւ հետեւեք հրահանգներին:

Ի՞նչ անել, եթե ավտոմեքենան երկար ժամանակ չի վաճառվում

- Եթե ձեր տրանսպորտային միջոցը երկար ժամանակ չի վաճառվում, ապա իմաստ ունի վերանայել գինը:

- Հայտարարությունն ավելի տեսանելի դարձնելու համար, կարող եք օգտվել Արագ վաճառք վճարովի ծառայությունից: Ընտրեք տարբերակներից մեկը և ակտիվացրեք այն։ Այդ ծառայությունը ավելի տեսանելի է դարձնում հայտարարությունները և բազմակի անգամ ավելացնում դիտումների քանակը։

Դիտումների վիճակագրությունը

- Հայտարարություններ էջում կարող եք տեսնել ակտիվ հայտարարությունների դիտումների վիճակագրությունը։ Սեղմելով երևացող թվին, կարող եք տեսնել վերջին ամսվա դիտումների օրական գրաֆիկը։

- Դիտումների քանակը ավելացնելու համար, խորհուրդ ենք տալիս օգտվել Արագ վաճառք վճարովի ծառայությունից: Ընտրեք տարբերակներից մեկը և ակտիվացրեք այն։ Այդ ծառայությունը ավելի տեսանելի է դարձնում հայտարարությունները և անհամեմատ ավելացնում դիտումների քանակը։

Եթե Ձեր հայտարարությունը հեռացվել կամ արգելափակվել է

- Բոլոր օգտատերերին գրանցվելիս և հայտարարություն տեղադրելիս տեղեկացնում ենք Auto.am կայքի Օգտագործման կանոններին ծանոթանալու անհրաժեշտության մասին։ Ցավոք, շատերը չեն ծանոթանում այդ կանոններին կամ անտեսում են դրանք։

- կանոնների խախտումը խոչընդոտում է կայքի նորմալ աշխատանքը, և թյուրիմացություն առաջացնում շատ գնորդների մոտ: Մեր համակարգը մոնիտորինգի և մեր այցելուների բողոքների շնորհիվ բացահայտում է խախտողներին և օպերատիվ արձագանքում։

- Կայքի Օգտագործման կանոնները խախտելու դեպքում ձեր հաշիվը կարգելափակվի, իսկ հայտարարությունները կջնջվեն։

- Նման իրավիճակից խուսափելու համար խնդրում ենք ծանոթանալ Auto.am կայքի Օգտագործման կանոներին։

Եթե վճարված հայտարարությունը հեռացվել է: Ի՞նչ է լինելու գումարի հետ

- Կայքի կանոնները խախտող հայտարարությունները հեռացվում են՝ անկախ այն հանգամանքից, թե լրացուցիչ ծառայություն կիրառվել է, թե ո՛չ:

- Եթե հայտարարությունը արգելափակվել է կանոնների խախտման արդյունքում, գումարը չի վերադարձվում:

Արգելափակված հաշիվներին վերաբերվող հարցերի դեպքում դիմեք մեզ՝ Կապի միջոցով: