Ներկայացված են ամենահզոր Audi R8 առաջին լուսանկարները

Ինտերնետում հայտնվել են Audi R8 սուպերավտոմեքենայի ամենահզոր մոդիֆիկացիայի առաջին պաշտոնական լուսանկարները, որի համաշխարհային պրեմիերան կկայանա հաջորդ տարի հունվարին Դեթրոյտում կայանալիք միջազգային ավտոսրահում: Այս մասին ասում է Worldcarfans.com ինտերնետային կայքը:

Արտաքինից ամենահզոր Audi R8-ը բազային մոդիֆիկացիայից կարելի է տարբերել դիմային լույսի լուսադիոդային լուսարձակների (նշենք, որ մյուս տարներակների համար նման լուսարձակները մատչելի են միայն օպցիայի կարգով), ետեւի նոր դիֆուզորի, արտանետային համակարգի օվալաձեւ խողովակների շնորհիվ:

Նորույթը համալրվելու է 525-ուժանոց 5,2-լիտրանոց 10 մխոցային շարժիչով` երկու տուրբիններով, որն աշխատելու է 6-աստիճան մեխանիկական փոխանցման տուփով, ինչպես նաեւ ռոբոտացված R-Tronic-ով: Մեքենան 100 կմ/ժ արագություն է զարգացնում 3,9 վայրկյանում: Առավելագույն արագությունը կազմում է 315 կմ/ժ:

Ակնկալվում է, որ ամենահզոր R8-ի վաճառքները կսկսվեն 2009 թվականին, իսկ որոշ ժամանակ անց դիլերների մոտ կհայտնվի բաց տարբերակը: Նախնական տվյալներով, նորույթի գինը եվրոպական շուկայում կկազմի մոտ 140 հազար եվրո:

Facebook Odnoklassniki

3408 դիտում