Mercedes-Benz-ը ցուցադրել է նոր B-Class-ի նախատիպը

Հաջորդ տարվա հունվարին բացվող Դեթրոյտի ավտոսրահում Mercedes-Benz ընկերությունը կցուցադրի 3 կոնցեպտուալ ավտոմեքենաներ` E-Cell, F-Cell եւ E-Plus: Ընդ որում, դրանցից առաջինը կդառնա նաեւ Mercedes B-Class կոմպակտ ավտոմեքենայի հաջորդ սերնդի նախատիպը:

Բոլոր երեք "կոնցեպտները" համալրված են էկոլոգիապես մաքուր ուժային համակարգերով: Mercedes E-Cell-ը լիարժեք էլեկտրոմոբիլ է, որը սնվում է հզոր մարտկոցների կոմպլեկտից: Մեկ “լիցքով” E-Cell-ի վազքը կարող է կազմել մինչեւ 200 կմ: Երկրորդ` E-Plus կոնցեպտը, օգտագործում է մարտկոցների նույն կոմպլեկտը, սակայն այն համալրված է նաեւ ներքին այրման ավանդական շարժիչով (67-ուժանոց շարժիչ “Սմարթից”), որն օգտագործվում է միայն մարտկոցների լիցքավորման համար: Նման մեքենան կարող է ընթանալ մինչեւ 100 կմ էլեկտրալիցքով եւ ավելի քան 600 կմ` սովորական շարժիչը որպես գեներատոր օգտագործելիս:

Երրորդ կոնցեպտը` F-Cell, մարտկոցների համար էլեկտրոէներգիա է ստանում ջրածնային վառելիքի օգնությամբ: Նման ավտոմեքենան համալրված է 120-ուժանոց էլեկտրաշարժիչով, իսկ ընթացքի պաշարը նրա մոտ հասնում է 640 կիլոմետրի:

Facebook Odnoklassniki

2817 դիտում