Երկրագնդի ամենաարագ սուպերավտոմեքենան ավելի հզոր կդառնա

Աշխարհի ամենաարագ սուպերավտոմեքենան` SSC Ultimate Aero-ն, որը 2007 թվականին զարգացրել էր մինչեւ 411 կմ/ժ արագություն եւ հայտնվել Գինեսսի ռեկորդների գրքում որպես երկրագնդի ամենաարագ սերիական ավտոմեքենա, 2009 թվականին ավելի արագ եւ հզոր կդառնա: Shelby SuperCars ընկերության ներկայացուցիչների խոսքերով, հաջորդ տարի նրանք նախատեսում են ավելացնել 6,2 լիտրանոց շարժիչն հզորությունը 15 տոկոսով` մինչեւ 1287 ձիաուժ:

Արագության նման էական ավելացման SSC ընկերությանը հաջողվել է հասնել Aeromotive նոր սնուցման համակարգի օգտագործման շնորհիվ, ինչպես նաեւ շարժիչի սառեցման համակարգի փոփոխության շնորհիվ: SSC Ultimate Aero թափքի առջեւի մասի աէրոդինամիկայի փոփոխության շնորհիվ, 20 տոկոսով բարելավվել է ռադիատորների սառեցումը: Եւս մեկ նորամուծություն` ակտիվ ետեւի սպոյլեր, որը կարող է հանդես գալ նաեւ օդային արգելակի դերում` բարձրանալով լրացուցիչ 20 սանտիմետրով ակտիվ արգելակման դեպքում:

Այս բոլոր կատարելագործումների արդյունքում, ամերիկյան սուպերավտոմեքենայի մշակողներն ակնկալում են սահմանել առավելագույն արագության նոր ռեկորդ` SSC Ultimate Aero-ի արագությունը զարգացնելով մինչեւ 430 կմ/ժ: Ճիշտ է, չին նշվում , թե երբ է նախատեսվում իրականացնել ռեկորդային վազքը:

Facebook Odnoklassniki

2656 դիտում