Maserati-ն Դեթրոյտ կբերի Quattroporte սեդանի ամենահզոր տարբերակը

Դեթրոյտի ավտոսրահում, որը մամուլի համար կբացվի հաջորդ տարվա հունվարի 11-ին, Maserati ընկերությունը մտադիր է ներկայացնել նորացված Quattroporte սեդանի ամենահզոր մոդիֆիկացիան` Sport GTS: Այս մասին երկուշաբթի օրը հայտնել է Motorauthority.com-ը:

Ամենաարագ Maserati Quattroporte-ը նախկինի պես համալրվելու է 4,7-լիտրանոց ութ մխոցանի շարժիչով, սակայն նրա արագությունը “S” մոդիֆիկացիայի հետ համեմատ, որը ներկայացվել էր այս տարվա կեսերին Լոս Անջելեսում, կավելանա 10 ձիաուժով` մինչեւ 440 ձիաուժ: Ավտոմեքենայի տրանսմիսիան չի փոխվի. այն կստանա 6-աստիճան ավտոմատ փոխանցման տուփ:

Արտաքինից ավտոմեքենան կարելի է ճանաչել ռադիատորի այլ ցանցով եւ դիմային լույսի լուսարձակների “մգեցված” կորպուսով: Բացի այդ, Quattroporte Sport GTS սեդանը կստանա նաեւ իջեցված կախոց` նոր ամորտիզատորներով:

Նորույթի գինը եւ վաճառքում հայտնվելու ժամկետները չեն նշվում:

Facebook Odnoklassniki

3338 դիտում