Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Ավտոմեքենաների վաճառքներն ամենից լավն են արտացոլում տնտեսության վիճակը եւ բնակչության գնողունակության փոփոխությունը: Եվրոպայում ավտոմեքենաների վաճառքների հիման վրա կարելի է կազմել այն երկրների վարկանիշը, որոնք հայտնվել են ամենախորը ճգնաճամում: Եթե նայենք եվրոպական երկրներում նոյեմբերյան վաճառքներին, ապա միանգամից երեւում է, թե ո՞ր երկրների վրա է հատկապես ծանր ազդել ճգնաժամը:
Եթե սեպտեմբերին ճգնաժամը հանգեցրեց ավտոգնորդների թվի կրճատմանը միայն 9 երկրներում, ապա նոյեմբերին ճգնաժամում հայտնվեցին բոլոր երկրները, բացառությամբ երեքի: Ընդ որում, ճգնաժամի ճնշումը զգալիորեն ուժեղացավ: Այն երկրները, որոնց վրա ճգնաժամն ազդեց արդեն սեպտեմբերին, նոյեմբերին ցուցադրեցին վաճառքների կատաստրոֆիկ կրճատում` ընդհուպ մինչեւ -94% Իսլանդիայում: Ավելի քան կեսով կրճատվել են Իռլանդիայի, Իսպանիայի եւ երեք մերձբալթյան երկրների շուկաները: Ծանր ժամանակներ են ապրում նաեւ սկանդինավները եւ Մեծ Բրիտանիան: Նույնիսկ Եվրոպայի ամենահարուստ երկրները խնդիրներ ունեն: Ընդ որում Շվեդիային, Գերմանիային, Հոլանդիային եւ Բելգիային ճգնաժամն ավելի շատ է անհանգստացնում, քան Ռուսաստանին:
Սակայն Եվրոպայում, այնուամենայնիվ, մնացել են երկրներ, որոնք ապրում են գլոբալ ճգնաժամից առանձին: Մեծ Լեհաստանը 2008 թվականի նոյեմբերին 3,1%-ով ավելացրել է վաճառքները 2007 թվականի նոյեմբերի համեմատ: Պորտուգալիայում աճը կազմել է 8,9%: Ֆանտաստիկ իրավիճակ է ստեղծվել Ֆինլանդիայում, որտեղ վաճառքների կտրուկ կրճատման ֆոնին վաճառքներն աճել են 77,5%-ով:
Եվրոպացիների նախասիրությունները ավտոմոբիլային բրենդերի եւ մոդելների մասով ավանդական են: Նոյեմբերյան Top-10-ում ընդգրկվել են 9 եվրոպական եւ 1 ամերիկյան մակնիշ: Նույնիսկ Toyota-ն, որը սովորաբար հայտնվում էր տասնյակում, իր տեղը զիջել է թանկ, բայց եվրոպացիների համար յուրային BMW-ին: Ընդ որում, ի տարբերություն սեպտեմբեր ամսվա, բոլոր 10 առաջատար ընկերությունները վաճառքների կտրուկ նվազում են գրանցել նոյեմբերին: Նույնիսկ Audi-ն, որը դեռեւս սեպտեմբերին վաճառքների աճ էր գրանցել նոր A4 եւ Q5 մոդելների թողարկման շնորհիվ, նոյեմբերին փոքր-ինչ զիջեց դիրքերը: Ամենամեծ խնդիրները առաջատարների շարքերում ունեն Opel, Peugeot եւ BMW:
Եվրոպացիների մոտ ռեյտինգը գլխավորում է անխոնջ VW Golf-ը: Ընդ որում, հին մոդելը: Երկրորդ տեղում է Ford Fiesta-ն: Ընդ որում մոդելի ցատկը ավելի բարձր տեղ ապահովվեց հենց մոդելի նոր սերունդի շնորհիվ: Այնուհետեւ ցուցակը բավականին սովորական է, միայն թե զարմացնում է Opel Astra-ի անհետացումը եւ հին VW Polo-ի հայտնվելը:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
