Հիբրիդային Lexus HS 250h-ի վաճառքները կսկսվեն ամռանը

Lexus ընկերությունը պաշտոնապես ներկայացրել է իր նոր հիբրիդային HS 250h ավտոմեքենան` կիրակի օրը բացված Դեթրոյտի ավտոսրահում: Lexus-ի մոդելային շարքում  (Հյուսիսային Ամերիկայում) նորույթը տեղ կզբաղեցնի Lexus IS եւ Lexus ES սեդանների միջեւ, բայց միեւնույն ժամանակ լիովին “անկախ” մոդել կդառնա. այն չունի “երկորյակ” ոչ Lexus, ոչ էլ Toyota ավտոմեքենաների շարքում: HS 250h-ը վաճառքում կհայտնվի արդեն ամռանը:

Lexus HS 250h-ի հիբրիդային ուժային համակարգը կազմված է  2,4-լիտրանոց բենզինային շարժիչից` գազաբաշխման փոփոխվող փուլերով, ելեկտրաշարժիչից եւ էլեկտրական կառավարմամբ վարիատորից: Այդ ուժային ագրեգատի գումարային հզորությունը կազմում է 187 ձիաուժ, բայց միեւնույն ժամանակ այն 30 տոկոսով ավելի տնտեսող է Lexux ավտոմեքենաներում օգտագործվող ցանկացած այլ շարժիչից, եւ բավարարում է հյուսիսամերիկյան բնապահպանական պահանջներին:

Lexus-ի նոր հիբրիդը համալրվում է արտանետային գազերի վերաշրջանառման համակարգով, որը թույլ է տալիս ավելի արագ տաքացնել շարժիչը ցուրտ եղանակին: Lexus-ի նորույթը համալրված է ղեկային կառավարման էլեկտրաուժեղացուցիչով: Վերջապես, HS 250h-ն ունի “նավիգատորի” հատուկ ֆունկցիա, որը թույլ է տալիս երթուղիների եւ նշանակման կետերն ուղարկել տան համակարգչից:

Facebook Odnoklassniki

2256 դիտում