Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Դեթրոյտի մոտորշոուում մեկնարկել է նոր սերնդի Toyota Prius հիբրիդային ավտոմեքենան: Ինչպես հաղորդվում է մամլո հաղորդագրությունում, մեքենայի չափերը փոքր-ինչ փոխվել են (Prius-ը դարձել է 1,5 սանտիմետրով երկար եւ 2,5 սանտիմետրով լայն), նվազել է աէրոդինամիկ դիմադրության գործակիցը (0,26-ից` 0,25), տեղադրվել է ավելի հզոր ուժային համակարգ, ձեւափոխվել են թափքի առջեւի եւ ետեւի մասերը, չնայած նախորդողի թափքի ընդհանուր ոճը եւ գծերը պահպանվել են:
Նոր սերնդի Toyota Prius-ի ուժային համակարգի հիմնական փոփոխությունը 1,8-լիտրանոց բենզինային “չորսնյակն” է, որն աշխատում է Աթկինսոնի ցիկլով, որի հզորությունը կազմում է 98 ձիաուժ, իսկ առավելագույն պտտեցնող պահը` 142 Նմ (մինչ այդ այս մոդելում տեղադրվում էր 1,5-լիտրանոց շարժիչ, որը զարգացնում էր 76 ձիաուժ հզորություն): Զրոյից մինչեւ 100 կմ/ժ արագության զարգացման ժամանակը կրճատվել է գրեթե 1 վայրկյանով` մինչեւ 9,8 վայրկյան, իսկ վառելիքի միջին ծախսը խառը ցիկլում նվազել է 0,4 լիտրով` մինչեւ 4,7 լիտր 100 կմ տարածության համար:
Բացի այդ, ուժային համակարգի չափը եւ քաշը նվազել են 20 տոկոսով, ինչպես նաեւ հայտնվել է արգելակման ժամանակ էներգիայի վերարտադրման նոր համակարգ, անվահեծային արգելակներ բոլոր չորս անիվների վրա, արեւային մարտկոցներ, որոնք հավելավճարով տեղադրվում են ավտոմեքենայի տանիքին եւ սնուցում են կլիմտատիկ սարքը:
Toyota Prius նոր հիբրիդի գները դեռեւս չեն հաղորդվում, սակայն ամերիկյան MotorTrend պարբերականի լրագրողները ենթադրում են, որ ավտոմեքենայի գինը ամենահարուստ կոմպլեկտավորումով ԱՄՆ-ում կկազմի մոտ 30 հազար դոլար: Վաճառքում նոր Prius-ը կհայտնվի այս տարվա գարնանը:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
