Դեթրոյտում ներկայացվել է նորացված Mercedes-Benz E-Class

Դեթրոյտի ավտոսրահում Daimler AG կոնցերնը ներկայացրել է E-Class բիզնես-սեդանի նոր սերունդը: Ինչպես հաղորդել են ընկերության մամլո ծառայությունում, նորացված լյուքսային ավտոմեքենան ստացել է չորս- եւ վեցմխոցային շարժիչների շարք, որոնք ծախսում են 23%-ով քիչ վառելիք, քան նախկինում: CDI նոր դիզելային ագրեգատներին հարկավոր է ընդամենը 5,3լ վառելիք 100 կմ համար (խառը ցիկլում): Բոլոր շարժիչները համապատասխանում են “Եվրո-5” բնապահպանական չափանիշներին, իսկ E350 BlueTec մոդելի դեպքում արտանետումների մակարդակը նույնիսկ քիչ է “Եվրո-6” թույլատրելի նորմերից, որոնք պետք է ուժի մեջ մտնեն 2014 թվականից:

Հարմարավետությունը նոր սեդանում Mercedes-Benz-ի մասնագետների ջանքերով բարձրացվել է նոր մակարդակի` առաջին հերթին թափքի առաջադեմ կառուցվածքի շնորհիվ, որի կոշտությունն ավելացել է 30%-ով, ինչպես նաեւ օպտիմիզացված նստատեղերի եւ վերստին մշակված կախոցի շնորհիվ, որի ամորտիզատորները մեխանիկորեն հարմարվում են ընթացիկ ճանապարհային իրավիճակին:

Е-Class նոր սեդանն առանձնանում է անվտանգության համակարգերի եզակի կոմբինացիայով: Դրանց թվում են, օրինակ, վարորդի հոգնածության աստիճանի վերահսկողության համակարգը, գլխավոր լույսի հարմարվող կարգավորման համակարգը եւ լրիվ արգելակման ավտոմատ համակարգը, որն ակտիվանում է վթարի անմիջական սպառնալիքի դեպքում:

2010 թվականի մոդելային շարքի Mercedes-Benz E-Class-ի վաճառքները կսկսվեն այս ամռանը` E350 եւ E550 մոդիֆիկացիաներով: Լիաքարշակ E63 AMG եւ դիզելային E350 BlueTec կհայտնվեն 2010 թվականին: ԱՄՆ շուկայի համար բազային գինը կսկսվի 55 000 դոլարից:

Facebook Odnoklassniki

3479 դիտում