Jeep-ը կվաճառվի Renault-Nissan կոնցերնին

Chrysler ընկերությունը բանակցություններ է սկսել Renault-Nissan կոնցերնի հետ ամերիկյան ամենահայտնի բրենդերից մեկի` Jeep-ի վաճառքի մասին: Ինչպես հաղորդում է Reuters-ը, որոշումը կարող է կայացվել Chrysler-ի վերակառուցման անհրաժեշտության կապակցությամբ` ԱՄՆ կառավարության կողմից 4 մլրդ դոլար վարկ ստանալուց հետո:

Երկու կոնցերնների բանակցությունները սկսվել են դեռեւս նախորդ տարի, սակայն այժմ թեւակոխել են ակտիվ փուլ: Բացի այդ, իր ակտիվների մի մասը Chrysler-ը կարող է վաճառել բաղադրամասեր արտադրող կանադական Magna ընկերությանը: Խոսքը մասնավորապես գնում է Իլինոյս նահանգում գտնվող պահեստամասերի  գործարանի մասին:

Chrysler-ը միակ ամերիկյան կոնցերնը չէ, որ վաճառում է իր ակտիվները: General Motors ընկերությունը, նույնպես գնտվելով սնանկության շեմին, հայտարարել է Saab, Saturn, Pontiac եւ Hummer բրենդերը վաճառելու ծրագրերի մասին: Սակայն շվեդական Saab-ի կոնցերնը դեռեւս խնդիրներ ունի. այն գնելու ցանկություն դեռեւս ոչ ոք չի հայտնել:

Facebook Odnoklassniki

2312 դիտում