Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Չորեքշաբթի օրը Peugeot ընկերությունը տարածել է իր նոր մոդելի` 3008 քրոսովերի մասին պաշտոնական տեղեկատվությունը եւ լուսանկարները: Հիշեցնենք, որ ավտոմեքենան ստեղծվել է Prologue կոնցեպտուալ ավտոմեքենայի մոտիվներով, որն առաջին անգամ ներկայացվել է Փարիզում անցյալ տարի: Սերիական տարբերակը լայն հասարակությանը կներկայացվի այս տարվա մարտին, նույնպես Փարիզի ավտոսրահում:
Նորույթը ստեղծվել է Peugeot 308 հեթչբեքի արդիականացված պլատֆորմի հիման վրա: Նրա գաբարիտային երկարությունը կազմում է 4,37 մետր, լայնքը` 1,84 մետր, բարձրությունը` 1,64 մետր, իսկ անիվային բազան` 2,61 մետր: Քրոսովերի բեռնախցիկի ծավալը բարձրացված ետեւի նստատեղերի դեպքում կազմում է 512 լիտր, իսկ դրանց ծալված լինելու դեպքում ավելանում է մինչեւ 1604 լիտր: Եվրոպայում ավտոմեքենայի համար առաջարկվելու են երեք դիզելային 1,6, 1,8 եւ 2,0 լիտր ծավալով` 110, 150 եւ 163 ձիաուժ հզորությամբ, ինչպես նաեւ 1,6 բենզինային շարժիչներ (մթնոլորտային եւ տուրբինացված), որոնք զարգացնում են 120-ից մինչեւ 150 ձիաուժ հզորություն: Բոլոր ագրեգատները` կախված մոդիֆիկացիայից, աշխատելու են 6-աստիճան ավտոմատ փոխանցման տուփի կամ մեխանիկական փոխանցման տուփի հետ միասին:
Նոր քրոսովերը կառանձնանա Peugeot ավտոմեքենաների համալրվածությանում գրանցված մի շարք նորամուծություններով: Այս մոդելի համար գնորդը կարող է պատվիրել համակարգեր, որոնք կօգնեն պահպանել անվտանգ տարածությունը մինչեւ դիմացից ընթացող ավտոմեքենան, ինչպես նաեւ կարող են ճակատային ապակու վրա պատկերել սպիդոմետրի, կռուիզ-կոնտրոլի ցուցանիշները եւ այլ կարեւոր տեղեկատվություն:
Եվրոպական շուկայում նորույթը վաճառքի կհանվի ընթացիկ տարվա ամռանը եւ մրցակցություն կկազմի Nissan Qashqai-ին, Ford Kuga-ին եւ VW Tiguan-ին: Ավտոմեքենայի գինը դեռ հայտարարված չէ:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
