Like
OK
Կայացավ Renault Arkana մոդելի պաշտոնական շնորհանդեսը
Դիլերներ
2008 թվականի արդյունքներով ամերիկյան General Motors կոնցերնը զիջել է աշխարհում ամենահաջողակ ավտոարտադրողի կոչումը` վաճառքների ցուցանիշներով զբաղեցնելով միայն երկրորդ տեղը. դա տեղի է ունեցել առաջին անգամ վերջին 77 տարիների ընթացքում: Ինչպես գրում է Detroit Free Press-ը, առաջին տեղը զբաղեցրել է Toyota ընկերությունը. Ճապոնական ավտոգիգանտը 12 ամիսների ընթացքում իրացրել է 8,972 միլիոն ավտոմեքենա, իսկ GM-ը` ընդամենը 8,35 մլն:
Հիշեցնենք, որ 1 տարի առաջ GM-ը կարողացավ պահպանել ամենախոշոր կոնցերնի կոչումը, անցնելով “Տոյոտային” ընդամենը 3000 ավտոմեքենայով: Սակայն այս տարի, համաշխարհային ֆինանսական ճգնաժամի պատճառով, GM վաճառքներն ընկան գրեթե 11 տոկոսով` 2007 թվականի համեմատությամբ, իսկ Toyota-ինը` ընդամենը չորս տոկոսով:
Հարկ է նշել, որ 8,972 մլն ավտոմեքենա թիվը, որը հնչեցվել է Toyota-ի ներկայացուցիչների կողմից, իր մեջ ներառում է ոչ միայն այդ մակնիշի ավտոմեքենաները, այլեւ Daihatsu ընկերության ավտոմեքենաները (886 հազար հատ), ինչպես նաեւ Hino Motors բեռնատարերը (110 հազար հատ): Առանց Toyota-ի դուստր ձեռնարկությունները հաշվի առնելու, ընկերությունը նախորդ տարի իրացրել է 7,9 մլն ավտոմեքենա:
GM վիճակագրությունն իր մեջ ներառում է կոնցերնի կազմի մեջ մտնող բոլոր մակնիշների վաճառքները, այդ պատճառով ընդհանուր համեմանտությունը լիովին հիմնավորված է. 2008 թվականի արդյունքներով Toyota-ն իրոք դարձավ ամենահաջողակ ավտոարտադրողը:
Հարկ է նշել, որ ԱՄՆ-ում GM-ի վաճառքները 2008 թվականին ընկել են 22,6 տոկոսով, Chrysler-ի վաճառքները` 30%-ով, Ford-ինը` 20,1 տոկոսով, իսկ Toyota ընկերության վաճառքները` ընդամենը 7,9%-ով: Ընդհանուր առմամբ նախորդ տարի ամերիկացիները ձեռք են բերել 13,2 մլն ավտոմեքենա` 2007 թվականի 16,1 մլն դիմաց:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
