Ավտոարտադրողները չգիտեն, որտեղ պահել ավտոմեքենաները

Գլոբալ ֆինանսական ճգնաժամի մեկնարկից ի վեր ավտոմեքենաների վաճառքներն ամբողջ աշխարհում կտրուկ անկում ապրեցին: Արդյունքում, ավտոարտադրողները բախվեցին ավտոմեքենաների գերարտադրության խնդրին եւ, որպես հետեւանք, դրանց պահելու համար տեղերի բացակայության հետ: Օրինակ, Nissan ընկերությունը ստիպված է չվաճառված ավտոմեքենաները պահել Մեծ Բրիտանիայի իր գործարանին կից գործող փորձարկումների թրեքում: Land Rover-ը եւ Jaguar-ը պահեստավորում են թարմ արտադրված իրենց ավտոմեքենաները Լիվերպուլում իրենց գործարանի շրջակայքում: Նույն կերպ է վարվում նաեւ F-150 մոդելն արտադրող Ford ընկերության Դեթրոյտի ձեռնարկությունը: Ճապոնիայից եկող ավտոմեքենաները ստիպված են իրենց հերթին սպասել նավահանգիստներում: Լոնգ Բիչը, Վալենսիան եւ այլ նավահանգիստները տվյալ պահին պարզապես հեղեղված են ավտոմեքենաներով: