Porsche ընկերությունը նորացրել է 911 GT3 թրեքային սուպերավտոմեքենան

Porsche ընկերությունը շարունակում է 911 ընտանիքի ավտոմեքենաների նորացումը, եւ ետեւիքարշակային Carrera-ից, առջեւիքարշակային Carrera 4-ից եւ ապակե առաստաղով Targa-ից հետո, որոնք ցուցադրվեցին նախորդ տարվա կեսերին, ներկայացրել է ֆեյսլիֆտինգային թրեքային GT3 սուպերավտոմեքենան: Արտաքինից ավտոմեքենան իր նախորդողից կարելի է տարբերել գլխավոր լույսի այլ լուսարձակներով, առջեւի բամպերով, լուսադիոդային ետեւի լապտերներով եւ նոր ետեւի սփոյլերով:

Նորացված Porsche 911 GT3 կստանա 6-մխոցանի շարժիչ` 3,8 լիտր ծավալով (նախկինում` 3,6 լիտ), 435 ձիաւոժ հզորությամբ, ինչը 20-ով ավել է նախորդից: Ավտոմեքենայի շարժիչն աշխատելու է 6-աստիճան մեխանիկական փոխանցման տուփի հետ միասին: Նման ուժային համակարգով ավտոմեքենան կկարողանա զրոյից մինչեւ 100 կմ/ժ արագություն զարգացնել 4,1 վայրկյանում եւ հասնել 312 կմ/ժ առավելագույն արագության:

Նորացված Porsche 911 GT3 պրեմիերան կկայանա Ժնեւի մոտորշոուին, որից հետո կսկսվեն ավտոմեքենայի վաճառքները: Եվրոպայում սուպերավտոմեքենայի գինը կկազմի 117 հազար եվրո:

Facebook Odnoklassniki

1663 դիտում