Aston Martin-ը պաշտոնապես ներկայացրեց V12 Vantage

Բրիտանական Aston Martin ընկերությունը հրապարակել է երկար սպասված V12 Vantage մոդելի մասին տեղեկատվությունը եւ պաշտոնական լուսանկարները: Ավտոմեքենայի պրեմիերան կկայանա մարտին` Ժնեւի մոտորշոուին: Շքեղ կուպեն կառուցված է նույն հիմքի վրա, ինչ V8 Vantage, եւ դրանից առաջին հերթին տարբերվում է շարժիչով: Մեծ 6,0-լիտրանոց V12-ը զարգացնում է մինչեւ 517 ձիաուժ հզորություն, իսկ պտտեցնող պահը հասնում է 570 Նմ: Արտադրողի տվյալներով, այն կարող է ավտոմեքենայի արագությունը 0-ից մինչեւ 100 կմ զարգացնել 4,2 վայրկյանում: Առավելագույն արագությունը կազմում է 305 կմ/ժ:

Արտաքինից V12-ը V8-ից տարբերվում է հաշված դետալներվ. նոր բամպեր, լրացուցիչ օդափոխիչ անցք կապոտի վրա, մեծ սփոյլեր: Ետեւում առանձնանում են “ճենապակյա” լուսարձակները:

Aston Martin-ը նախատեսում է V12 Vantage արտադրությունը սկսել 2009 թվականի երրորդ եռամսյակում: Ակնկալվում է, որ սուպերավտոմեքենան կթողարկվի ընդամենը 1000 օրինակով:

Facebook Odnoklassniki

1284 դիտում