Audi-ն մրցակից է պատրաստում 640-ուժանոց Lamborghini Murcielago LP640-ին

Audi-ն աշխատում է նոր մեքենայի ստեղծման ուղղությամբ, որը պետք է մրցակցի Lamborghini Murcielago LP640 սուպերավտոմեքենայի հետ: Այս մասին հաղորդում է ամերիկյան InsideLine պարբերականը` վկայակոչելով ընկերության աղբյուրներին:

Պարբերականի աղբյուրները նշել են, որ այն բանից հետո, երբ դադարեցվեցին 12-մխոցանի շարժիչով Audi R8 սերիական տարբերակի ստեղծման ծրագրերը, ընկերությունը “փորձարկումներ է սկսել էլ ավելի արագ սուպերավտոմեքենայի հետ”, որը կկարողանա մրցակցել 640-ուժանոց Murcielago LP640-ի հետ: Ինչպես ենթադրում են տարբեր հրապարակումներ, այդ ավտոմեքենան կարող է իրենից ներկայացնել ինչպես բոլորովին նոր մոդել, այնպես էլ R8 մոդելի տարբերակը` V12 բենզինային շարժիչով:

Հիշեցնենք, որ տվյալ պահին R8 կուպեի ամենահզոր մոդիֆիկացիան մինչեւ 525 ձիաուժ հզորացված` Lamborghini Gallardo-ի V10 շարժիչով տարբերակն է:

Facebook Odnoklassniki

2346 դիտում