Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Չինական FAW ընկերությունը մինչեւ 2009 թվականի վերջը նախատեսում է սկսել շքեղ Red Flag SUV ամենագնացի սերիական արտադրությունը, որի նախատիպը ներկայացվել էր Պեկինի նախորդ տարվա ավտոսրահում: Այս մասին վկայակոչելով չինական ԶԼՄ-ները հաղորդում է Сhinacartimes.com.
Red Flag (FAW Hongqi) մակնիշի ներքո Չինաստանում 1958 թվականից արտադրվում են կառավարական լիմուզինները, իսկ 2005 թվականին այդ ընկերության դիզայներները մշակեցին շքեղ HQD սեդանը, որը, իր ստեղծողների մտահղացմամբ, կարող էր մրցակցություն ստեղծել Rolls-Royce ավտոմեքենաներին: 2008 թվականին չինական ընկերությունը Պեկինում ներկայացրեց Red Flag SUV մեծ ամենագնացը, խոստանալով դրա արտադրությունը սկսել 2011 թվականին:
Նոր ավտոմեքենան իր չափսերով հավասար դուրս եկավ Porsche Cayenne-ին, իսկ նրա ենթադրյալ մրցակիցների թվում են Audi Q7, BMW X5 մոդելները, ինչպես նաեւ ճապոնական Infiniti, Lexus եւ Acura մակնիշները: Ավտոմեքենայի շնորհանդեսի ժամանակ հայտարարվեց, որ այն ունի սեփական մշակման 12-մխոցանի շարժիչ:
Ամենագնացի սերիական տարբերակը, ինչպես ակնկալվում է, հնարավոր կլինի պատվիրել ավելի տնտեսող 8- եւ 6-մխոցանի շարժիչնորվ: Որեւէ այլ տեխնիկական մանրամասներ այդ ավտոմեքենայի մասին, ինչպես նաեւ տեղեկություններ վաճառքում դրա հայտնվելու ժամկետների մասին առայժմ չկան:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
