Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Երկուշաբթի օրը բրիտանական Autocar պարբերականը հրապարակել է հինգդռնանի Opel Astra նոր սերնդի հեթչբեքի լուսանկարները, որն առաջին անգամ լուսանկարել են առանց կամուֆլյաժի: Ամսագրի հաղորդմամբ, լուսանկարում ներկայացված է միայն նախատիպը, սակայն թափքի ձեւը, ուժեղ թեքված ետեւի ապակին եւ ետեւի լուսարձակները նույնը կմնան նաեւ սերիական ավտոմեքենայի վրա:
Հիշեցնենք, որ հաջորդ սերնդի Astra հեթչբեքը կառուցվելու է նոր Delta II պլատֆորմի վրա, որն օգտագործվում է Chevrolet Cruze սեդանի, ինչպես նաեւ Chevrolet Volt եւ Opel Ampera հիբրիդների համար: Նախնական տվյալներով, ավտոմեքենան գերմանական մակնիշի ողջ գամմայից առաջինը կստանա տուրբոյացված 1,4-լիտրանոց շարժիչներ` 120-140 ձիաուժ հզորությամբ: Այս շարժիչներն կփոխարինեն 1,6 եւ 1,8 լիտրանոց մթնոլորտային ագրեգատները, որոնք տեղադրված են ներկայիս սերնդի “Աստրաների” վրա:
Ինչպես ճշտում է Autocar-ը, GM կոնցերնի գերմանական գործարանը, որտեղ Astra մոդելը տեղական շուկայի համար արտադրվում է Vauxhall բրենդի ներքո, արդեն լիովին վերասարքավորվել է նոր սերնդի ավտոմեքենաներն արտադրելու համար: Ակնկալվում է, որ ավտոմեքենայի հավաքումը կսկսվի ընթացիկ տարվա վերջին, իսկ սերիական տարբերակի պրեմիերան տեղի կունենա սեպտեմբերին` Ֆրանկֆուրտի ավտոսրահի շրջանակներում:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
