Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Մենք արդեն մանրամասն անդրադարձել ենք Volvo ընկերության նոր քաղաքային արտաճանապարհային քրոսովերին մեր թեստ-դրայվում (http://www.auto.am/am/news/829/):
Եվ այժմ “Ֆորա” ընկերությունը, որը հանդիսանում է VOLVO մակնիշի պաշտոնական ներկայացուցիչը Հայաստանում, հայտարարել է XC60-ի հայրենական շուկա մուտք գործելու մասին: Հանրահայտ շվեդական ընկերության մեքենաների սիրահարները հնարավորություն են ստացել պատվիրել նոր մոդելը մինչեւ փետրվարի 28-ը` ընդամենը 13.700.000 դրամով, ինչը զգալիորեն էժան է արտասահմանյան այլ շուկաներում Volvo XC60-ի արժեքից: Այս իսկապես շքեղ ավտոմեքենան աչքի է ընկնում Volvo-ին մշտապես հատուկ անվտանգության ամենաբարձր մակարդակով: Բավական է նշել, որ առաջին անգամ սերիական արտադրության ավտոմեքենաների մեջ կիրառվում է CITY SAFETY անվտանգության համակարգը, որը, ինչպես պարզ է դառնում անվանումից, առնչվում է քաղաքային պայմաններում երթեւեկության անվտանգությանը: Այդ նորագույն համակարգի շնորհիվ, մինչեւ 30կմ/ժ արագությամբ ընթանալիս, Volvo XC60-ը ինքնուրույն արգելակում է ցանկացած տեսակի խոչընդոտ հանդիպելու դեպքում, ինչը զգալիորեն նվազեցնում է քաղաքում հաճախակի հանդիպող ավտովթարների հավանականությունը:
Ինչպես հայտնեցին “Ֆորա” ընկերությունում, ակնկալվում է, որ նոր Volvo XC60-ը կարող է դառնալ ամենահետաքրքիր ու մեծ պահանջարկ վայելող նորույթներից մեկը հայաստանյան ավտոշուկայում:
Նշենք, որ Հայաստանում Volvo XC60-ի մրցակիցն է մեկ այլ հեղինակավոր ավտոբրենդի` Audi-ի նոր Q5 մոդելը, որի հետ գերմանական ընկերությունը նույնպես մեծ հույսեր է կապում:
Volvo XC60-ը բազային կոմպլեկտացիաի գինը Հայաստանում կազմում է 13.900.000 դրամ, իսկ Audi Q5 նույն բազային կոմպլեկտացիայի գինը` 14.733.500 դրամ:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
