JCW ատելյեն ներկայացրել է MINI Cooper S կաբրիոլետի թյունինգային տարբերակը

MINI ավտոմեքենաների լրամշակման վրա մասնագիտացած John Cooper Works թյունինգային ատելյեն երեքշաբթի օրը տարածել է նոր սերնդի MINI Cooper S կաբրիոլետի ուժեղացված տարբերակի պաշտոնական լուսանկարները եւ տեղեկատվությունը: Հիշեցնենք, որ թյունինգային ավտոմեքենայի համաշխարհային պրեմիերան տեղի կունենա ընթացիկ տարվա մարտին Ժնեւի մոտորշոուին:

MINI կաբրիոլետի լրամշակման ծրագիրը ոչինչով չի տարբերվում կոշտ առաստաղով “Կուպերների” թյունինգից: Ավտոմեքենայի վրա տեղադրվում է 211 ձիաուժ հզորությամբ տուրբոյացված շարժիչ` 1,6 լիտր ծավալով, որն աշխատում է արդիականացված 6-աստիճան մեխանիկական փոխանցման տուփի հետ միասին: Առավելագույն պտտեցնող պահը կազմում է 260 Նմ:

John Cooper Works ատելյեի տվյալներով, զրոյից մինչեւ 100 կմ/ժ արագություն կաբրիոլետը զարգացնում է 6,9 վայրկյանում, ինչը 4 տասնորդական վայրկյանով դանդաղ է հեթչբեքի ցուցանիշից: JCW MINI Cooper S Convertible-ի առավելագույն արագությունը կազմում է ժամում 235 կմ:

Facebook Odnoklassniki

1600 դիտում