Audi-ն առաջին անգամ վաճառքներով գերազանցել է Mercedes-Benz-ին եւ BMW-ին

2009 թվականի հունվարի արդյունքներով, Audi մակնիշի վաճառքները Արեւմտյան Եվրոպայում գերազանցել են նրա ավանդական մրցակիցների` BMW-ի եւ Mercedes-Benz-ի ցուցանիշները: Ինչպես հաղորդվում է Audi AG մամլո հաղորդագրությունում, այս տարվա առաջին ամսին տարածաշրջանում վաճառվել է 45 124 նոր Audi ավտոմեքենա: Ընկերությունը չի հաղորդում մրցակիցների ցուցանիշները: Audi-ի մասնաբաժինը Արեւմտյան Եվրոպայի շուկայում 2009 թվականի հունվարին աճել է մինչեւ 5,1%` նախորդ տարվա 3,9% համեմատությամբ:

Այս ցուցանիշները մեկնաբանել է Audi AG վաճառքների եւ մարքեթինգի դեպարտամենտի ղեկավար Պետեր Շվարցենբաուէրը: Նրա կարծիքով, ցուցանիշների նման աճը բացատրվում է նրանով,  որ Audi-ն ունի “ամենաերիտասարդ” մոդելային շարքը մրցակիցների համեմատությամբ: Միայն նախորդ տարի ընկերությունը շուկա է դուրս բերել 12 նորույթ, իսկ այս տարի կներկայացնի եւս յոթը:

Facebook Odnoklassniki

1767 դիտում