Ամենափոքր Rolls-Royce-ի նախատիպը կցուցադրեն Ժնեւում

Հինգշաբթի օրը Rolls-Royce ընկերությունը հրապարակել է 200EX կոնցեպտուալ ավտոմեքենայի առաջին լուսանկարը: 200EX մոդելի մոտիվներով բրիտանական մակնիշի շարքում կստեղծվի ամենափոքր մոդելը, որը դեռեւս կրում է ներկորպորատիվային RR4 կոդը: Ինչպես հաղորդում է Worldcarfans-ը, նախատիպը նախատեսվում է ներկայացնել մարտի սկզբին` Ժնեւի ավտոսրահում:

Նորույթը մշակվելու է BMW 7-Series Long-ի երկարացված պլատֆորմի վրա, ընդ որում ավտոմեքենան կկարճանա 435 մմ-ով (5399 մմ), կնեղանա 42 մմ-ով (1948 մմ) եւ կցածրանա 84 մմ-ով (1548 մմ), քան Rolls-Royce Phantom սեդանը: Ի տարբերություն “Ֆանտոմի”, որի կառուցվածքում լայնորեն կիրառվում են ալյումինե պանելներ, բրիտանական մակնիշի նոր մոդելի թափքը նախատեսվում է պատրաստել բարակ պողպատից:

Rolls-Royce RR4-ը կստանա բոլորովին նոր 12-մխոցանի շարժիչ` 500 ձիաուժ հզորությամբ, որը մշակվել է ընկերության ինժեներների կողմից:

Ակնկալվում է, որ ավտոմեքենան եվրոպական շուկայում կհայտնվի արդեն հաջորդ տարի: Մեքենայի արտադրությունը կկազմակերպվի Rolls-Royce-ի Հուդվուդի գործարանում:

Facebook Odnoklassniki

2153 դիտում