Aston Martin-ը Ժնեւ կբերի վերաշնված Lagonda մակնիշի առաջին կոնցեպտ-ավտոմեքենան

Հինգշաբթի օրը Aston Martin ընկերության ղեկավար Ուլրիխ Բեցը պաշտոնապես հաստատեց տեղեկատվությունը, որ Ժնեւում կայանալիք ավտոմոբիլային ցուցահանդեսում կներկայացվի վերածնված Lagonda մակնիշի առաջին կոնցեպտ-ավտոմեքենան: Այս մասին ասվում է Aston Martin-ի պաշտոնական հաղորդագրությունում:

Խոսելով կոնցեպտի մասին, Ուլրիխ Բեցը նշել է, որ այդ ավտոմեքենան կստանա “սպորտային ավտոմեքենայից տարբերվող բնավորություն”, իսկ նրա դիզայնը եզակի կլինի եւ չի նմանվի Aston Martin-ի գոյություն ունեցող մոդելներին: Ընդ որում, արտաքինի որոշ տարրեր ընկերությունում մտադիր են փոխառել “անցյալից”` Lagonda մակնիշի հին ավտոմեքենաներից, դրանց ավելացնելով ժամանակակից գծեր:

Ակնկալվում է, որ վերածնված մակնիշի առաջին սերիական ավտոմեքենան վաճառքում կհայտնվի 2012 թվականին:

Նախորդ տարի Ֆրանկֆուրտի ավտոսրահում Ուլրիխ Բեցը նույնպես հայտնել էր, որ Lagonda-ն ավելի մասսայական բրենդ կդառնա, քան Aston Martin-ը եւ “հարմար կլինի ինչպես գոյություն ունեցող, այնպես էլ զարգացող շուկաների համար”: Բրիտանական ընկերությունում հույս ունեն, որ Lagonda ավտոմեքենաները, որոնց թվում, հավանաբար, նաեւ ամենագնաց կլինի, վաճառվելու են աշխարհի ավելի քան 100 երկրներում (համեմատության համար` Aston Martin-ը դիլերներ ունի միայն 32 երկրներում):

Facebook Odnoklassniki

2150 դիտում