Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Հինգշաբթի օրը սուպերավտոմեքենաների շվեդական արտադրող Koenigsegg-ը տարածել է Quant կոնցեպտուալ ավտոմեքենայի առաջին պաշտոնական պատկերները, որը կներկայացվի մարտի սկզբին Ժնեւի միջազգային ցուցահանդեսում: Այս մասին հաղորդում է շվեդական Auto Motor & Sport ամսագիրը:
Թե կոնկրետ ի՞նչ է իրենից ներկայացնելու այդ նախատիպը դեռեւս չի նշվում, սակայն համաձայն մինչ այդ հայտնված տեղեկությունների, Ժնեւի ավտոսրահում շվեդական ընկերությունը մտադիր է ներկայացնել չորստեղանի սպորտային սեդան: Ավտոմեքենան կառուցվելու է կարբոնից պատրաստված բոլորովին նոր շասսիի վրա եւ կստանա թափքի ածխապլաստիկային պանելներ: Ակնկալվում է, որ սուպերավտոմեքենայի շարժիչային մասում կտեղադրվի 8-մխոցանի բենզինային շարժիչ` մոտ 700 ձիաուժ հզորությամբ:
Նորույթի սրահում կտեղադրվի նոր մուլտիմեդիական համակարգ` սենսորային էկրանով եւ Bluetooth ինտերֆեյսով, որը թույլ կտա կառավարել կլիմայական համակարգը, աուդիոհամակարգը, ինչպես նաեւ կօգնի վարորդին հետեւել տարբեր ցուցիչների ազդանշաններին:
Նախնական տվյալներով, Koenigsegg Quant սերիական տարբերակը վաճառքում կհայտնվի 2011 թվականին:
Auto Motor & Sport պարբերականը նաեւ նշում է, որ բացի նոր ավտոմեքենայից Ժնեւի ավտոսրահում Koenigsegg ընկերությունը կներկայացնի ռոբոտացված փոխանցման տուփ` երկու կցումներով, որը տեղադրվելու է CCX սուպերավտոմեքենայի վրա եւ կարողանալու է փոփոխել աստիճանները ընդամենը 30 միլիվայրկյանի ընթացքում:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
