Ամենահզոր Audi TT հարյուր կմ արագություն կզարգացնի 5 վայրկյանում

Երկուշաբթի օրը Audi ընկերության պաշտոնական կայքում տեղեկություններ են հայտնվել TT կուպեի ամենահզոր եւ արագ տարբերակի` RS-ի մասին: Մակնիշի տվյալներով, զրոյից մինչեւ հարյուր կմ արագություն ավտոմեքենան կարող է զարգացնել “ավելի քիչ, քան 5 վայրկայնում”, իսկ նրա առավելագույն արագությունը կսահմանափակվի էլեկտրոնիկայով` 250 կմ/ժ նիշի վրա:

Հիշեցնենք, որ նորույթն ունենալու է 2,5 լիտրանոց 5-մխոցանի բենզինային տուրբոշարժիչ` 340 ձիաուժ հզորությամբ (450 Նմ), որն աշխատելու է 6-աստիճան մեխանիկական տուփի հետ միասին: Բացի այդ, համաձայն պաշտոնական մամլո հաղորդագրության եւ ավտոմեքենայի նոր լուսանկարների, որոնք տեղադրվել են Autoblog.nl կայքում, Audi TT RS-ը նաեւ կստանա թափքի ագրեսիվ աէրոդինամիկ թափք, ադապտիվ էլեկտրակառավարվող Magnetic Ride կախոց, quattro լիաքարշակ ֆիրմային համակարգ, հզոր արգելակային մեխանիզմներ` 457 միլիմետրանոց անվահեծերով եւ մեծ անիվային դիսկեր` ալյումինից:

Audi TT RS կուպեի եւ ռոդսթերի համաշխարհային պրեմիերան կկայանա մարտի սկզբին` Ժնեւի միջազգային ավտոսրահում: Վաճառքում ավտոմեքենան կհայտնվի ընթացիկ տարվա կեսերին:

Facebook Odnoklassniki

1612 դիտում