Aston Martin-ը Ժնեում կցուցադրի DBS սուպերավտոմեքենայի բաց տարբերակը

Ընթացիկ տարվա մարտի սկզբին Ժնեւում կայանալիք ցուցահանդեսում կկայանա Aston Martin DBS սուպերավտոմեքենայի բաց մոդիֆիկացիայի համաշխարհային պրեմիերան, որը ստացել է Volante անվանումը: Ավտոմեքենան ունենալու է փափուկ առաստաղ, որը հատուկ բաժնում ծալվելու է 14 վայրկյանում, ընդ որում այդ գործողությունը կարելի է կատարել է մինչեւ 48 կմ/ժ արագության դեպքում: Այս մասին ասվում է բրիտանական մակնիշի պաշտոնական հաղորդագրությունում:

Տեխնիկական առումով Aston Martin DBS կաբրիոլետը ոչ մի կերպ չի տարբերվի “ստացիոնար” առաստաղով տարբերակից: Նորույթը կստանա 510-ուժանոց 12-մխոցանի բենզինային շարժիչ` 6 լիտր ծավալով, որը կաշխատի 6-աստիճան մեխանիկական փոխանցման տուփի կամ 6-աստիճան Touchtronic “ավտոմատի” հետ` աստիճանների ձռեքի փոփոխման հնարավորությամբ:

Ավտոմեքենայի դինամիկ բնութագրերը նույնպես չեն փոխվի: Aston Martin-ի տվյալներով, մինչեւ 100 կմ արագությունը կաբրիլոետը կզարգացնի 4,3 վայրկյանում: Առավելագույն արագությունը կկազմի 307 կմ/ժ:

Նույնպես կարելի է նշել, որ չնայած առջեւի թեւերի օգտագործմանը, կարբոնից պատրաստված բեռնախցիկին եւ կապոտին, կաբրիոլետի քաշը մոտավորապես 115 կգ-ով ավել է, քան կուպեն` 1810 կգ:

Ակնկալվում է, որ Մեծ Բրիտանիայում նորույթի վաճառքները կսկսվեն ընթացիկ տարվա սեպտեմբերին: Ավտոմեքենայի արժեքը կհաղորդվի Ժնեւում:

Facebook Odnoklassniki

1778 դիտում