Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Չորեքշաբթի օր Kia ընկերությունը տարածել է նոր սերնդի Sorento քրոսովերի հերթական լուսանկարները, հաղորդում է Kia-World կայքը: Այդ նկարները հաստատեցին ավելի վաղ տարածված տեղեկատվությունն այն մասին, որ մեքենայի արտաքինը մշակված է KND-4 կոնցեպ-ավտոմեքենայի ոճով, որն առաջին անգամ ցուցադրվել էր երկու տարի առաջ: Նշենք, որ մինչ այդ հրապարակվել էր մոդելի իլյուստրացիան, որտեղ պատկերված էր միայն նրա ուրվագիծը:
Ինչպես հաղորդվում էր մինչ այդ, հաջորդ սերնդի Sorento-ն փոքր-ինչ կմեծանա, կստանա արդիականացված ղեկային կառավարում, ինչպես նաեւ շարժիչների նոր շարք: Ավտոմեքենայի համար առաջարկվելու է 2,2 լիտրանոց դիզելային շարժիչ` 200 ձիաուժ հզորությամբ, որն աշխատելու է 6-աստիճան ավտոմատ փոխանցման տուփի հետ միասին, ինչպես նաեւ 2,4 լիտրանոց 175 ձիաուժ հզորությամբ բենզինային շարժիչ եւ 270-ուժային 3,8 լիտրանոց շարժիչ:
Հիշեցնենք, որ նոր Sorento-ի համաշխարհային պրեմիերան, որի արտաքինի մշակման համար պատասխանատու էր Audi ընկերության նախկին դիզայները, կկայանա ապրիլին` Սեուլում կայանալիք միջազգային ցուցահանդեսում: Ավտոմեքենայի վաճառքները հարավկորեական շուկայում կսկսվեն անմիջապես դեբյուտից հետո, իսկ այլ երկրներում քրոսովերը կհայտնվի ընթացիկ տարվա վերջին:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
